2023 jyly ekonomıkanyń ósý qarqyny kem degende 4 paıyz bolady – Úkimet boljamy

ASTANA. QazAqparat – 2023 jyly el ekonomıkasynyń ósý qarqyny kem degende 4 paıyz bolady dep boljanady. Bul týraly QR Úkimetiniń keńeıtilgen otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Saılaýaldy baǵdarlamany oryndaý úshin Respýblıkalyq shtab quryldy. Barlyq memlekettik organdar ózderiniń salalyq kontseptsııalaryn jáne vedomstvolyq damý josparlaryn ázirleýde. Olar jyl basynda bekitiledi», - dedi Álıhan Smaıylov.

Onyń atap ótýinshe, Úkimet Memleket basshysynyń Saılaýaldy baǵdarlamasyn sapaly iske asyrý úshin barlyq qajetti jumystardy atqarady.

«Nátıjesinde, ekonomıka turaqty ósip, halyqtyń ómir súrý sapasy kóteriledi. 2023 jyly ekonomıkanyń ósý qarqyny kem degende 4 paıyz bolady dep boljaımyz. Halyqtyń jalaqylarynyń naqty ósýi, ıaǵnı ınflıatsııany alǵanda 2,3 paıyz deńgeıinde kútilýde. Jumyssyzdyq 4,8 paıyzǵa deıin tómendeýi kerek», - dedi Premer-Mınıstr.