2023 jyly eHealth aqparat júıesi iske qosylady

NUR-SULTAN. QazAqparat – QR Premer-Mınıstriniń orynbasary Eraly Toǵjanov Májilis ókilderiniń depýtattyq saýalyna joldaǵan jaýabynda densaýlyq saqtaý júıesin tsıfrlandyrý baǵytynda eHealth aqparat júıesin 2023 jyly iske qosý kózdelgenin aıtty, dep habarlaıdy QazAqparat tilshisi.

«Qazirgi tańda densaýlyq saqtaý júıesin tsırflandyrýdyń negizgi mindeti – Densaýlyq saqtaý mınıstrligi men onyń baǵynysty uıymdarynyń bytyrańqy jatqan aqparattyq júıelerin biriktirý. Bul máseleni sheshý úshin eHealth atty densaýlyq saqtaýdyń jańa tsıfrlyq elektrondyq sáýletine kóshý júzege asyrylyp jatyr. Sonyń aıasynda azamattardyń ulttyq elektrondyq densaýlyq pasportyn jasaý, mıkroservıstik arhıtektýrany paıdalanýǵa kóshý jáne anyqtamalyq málimetter bazasyn qurý kózdelgen» dep jazady Eraly Toǵjanov.

Onyń sózine qaraǵanda, eHealth júıesiniń quramdas bólikterin iske qosý 2022 jylǵa josparlanǵan. Al júıeniń ózi 2023 jyly tolyq jumys isteı bastaıdy.

«Qazir densaýlyq saqtaý mınıstrliginiń aqparattyq júıelerin modıfıkatsııalaý, eHealth ıadrosynyń bazalyq bólshekterin ázirleý jumystary júrip jatyr. Modıfıkatsııa aıasynda «tsıfrlyq erkindik» qaǵıdatyn qamtamasyz etý kózdelgen. Bul qaǵıdat boıynsha medıtsınalyq aqparat júıeleri arasnynda derekterdi joǵaltpastan almasý josparlanyp otyr. Bul medıtsınalyq uıymdardyń medıtsınalyq aqparat júıelerine táýeldigin joıady. Qazirgi tańda «Vaktsınatsııa», «Vaktsınatsııanyń elektrondy pasporty», «Klınıkalyq aqparattyń ortalyq saqtaǵyshy» sııaqty modýlder jasaldy», - delingen vıtse-Premerdiń jaýabynda.

Sondaı-aq, Eraly Toǵjanov eldegi pedıatr mamandardyń tapshylyǵy qalaı sheshilip jatqanyn aıtyp berdi.