2023 jyly bıýdjetke 17,8 trln teńge túsedi – mınıstrlik boljamy
Bıýdjet kodeksine sáıkes, atalǵan Zań jobasy elimizdiń 2027 jylǵa deıingi áleýmettik-ekonomıkalyq damý boljamy negizinde ázirlengen.
«2023 jyly túsimder 17,8 trln teńge deńgeıinde boljanyp otyr. Keler jyly Ulttyq qordan kepildendirilgen transfert bıylǵy jylmen salystyrǵanda 1,8 esege azaıyp, 2,2 trln teńge mólsherinde tartylatyn bolady. Bıýdjet tapshylyǵy 2023 jyly jalpy ishki ónimniń 2,7%-inen kezeń-kezeńmen 2025 jyly jalpy ishki ónimniń 2,5%-ine deıin tómendeıdi dep josparlanǵan», - dedi Qarjy mınıstri.
2023 jyly jumsalatyn shyǵystar kirister men tapshylyqty eskere otyryp, 2022 jyldyń josparynan 2,2 trln teńgege ulǵaıady jáne 21 trln teńgeni quraıdy dep boljanǵan.
«Bıýdjet parametrleri bıýdjettik zańnama arqyly ornatylǵan kepildendirilgen transfert, shyǵystardyń ósý qarqyny jáne bıýdjet tapshylyǵy erejelerine sáıkes keledi. Bıyl 2023-2025 jyldarǵa arnalǵan respýblıkalyq bıýdjet jobasyn jasaý jalpy sıpattaǵy transfertterdi qurýmen tuspa-tus keldi. Jergilikti bıýdjetter bazasyna barlyq qazirgi nysanaly transfertter berildi. Atap aıtqanda, 2023 jyly – 2,8 trln teńge, 2024 jyly – 3,2 trln teńge, 2025 jyly – 3,6 trln teńge berildi.
Mınıstrdiń aıtýynsha, Zań jobasy Premer-Mınıstr Keńsesimen birlese otyryp, Parlament Májilisiniń qaraýyna engizýge ázirlenedi.
