2023 jyly bıýdjet kirisi 13,9 trln teńgege jetedi – Álibek Qýantyrov

NUR-SULTAN. QazAqparat – 2025 jylǵa qaraı Qazaqstan bıýdjetiniń kiris bóligi 16,2 trln teńgege jetedi. Mundaı boljamdy QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Respýblıkalyq bıýdjet pen Ulttyq qordyń kelesi úshjyldyqqa arnalǵan parametrlerin qalyptastyrý kezindegi negizgi leıtmotıv Memleket basshysynyń únemdi jáne jaýapty bıýdjet saıasaty tujyrymdamasyn qamtamasyz etý boıynsha qoıǵan mindetterin iske asyrý boldy.

Osylaısha, 2023 – 2025 jyldarǵa arnalǵan respýblıkalyq bıýdjettiń parametrleri bıýdjet saıasatynyń kiris bazasyn tolyqtyrýdyń jańa kózderin jınaqtaý jáne bıýdjet shyǵystaryn áleýmettik-ekonomıkalyq damýdyń basym baǵyttaryna shoǵyrlandyrý baǵdaryn eskere otyryp aıqyndalǵan», - dedi ol Úkimet otyrysynda.

Onyń aıtýynsha, 2023 jyly respýblıkalyq bıýdjettiń kiristeri buǵan deıin boljanǵan mólsherden kóp bolýy kerek.

«2023 jyly respýblıkalyq bıýdjettiń kiristeri boljam boıynsha aǵymdaǵy jyldyń naqtylanǵan josparynan 36,4%-ǵa ósýmen 13,9 trln teńgeni nemese JІÓ –ge qatysty 11,5% deńgeıin quraıdy. Josparly kezeńde olardyń 2025 jylǵa qaraı 16,2 trln teńgege deıin nemese 17,2%- ǵa ósýi kútiledi», - dedi Álibek Qýantyrov.

Foto: primeminister.kz