2023 jyly áleýmettik tólemder proaktıvti túrde beriledi – Tamara Dúısenova

NUR-SULTAN. QazAqparat – 15 tamyzǵa deıin halyqty áleýmettik qoldaý salasyndaǵy otbasylardyń aqparaty qaıta qaralady. Bul týraly QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

Mınıstr Memleket basshysynyń tapsyrmasymen Otbasy tsıfrlyq kartasy ázirlenip jatqanyn eske saldy.

«15 tamyzǵa deıin halyqty áleýmettik qoldaý salasyndaǵy otbasylardyń aqparaty ózektendiriledi. 1 qyrkúıekten bastap jyl sońyna deıin beriletin áleýmettik qyzmet pen áleýmettik kómektiń túrleri pılotty túrde júrgiziledi. Al 2023 jyldyń 1 qańtarynan bastap proaktıvti qyzmet áleýmettik qorǵaý salasy boıynsha iske asyrylady», - dedi mınıstr Úkimet úıinde ótken otyrysta.

Sonymen birge, eńbek naryǵyn retteý jáne damytý jospary 8 baǵytta 15 tamyzǵa deıin daıarlanady.

«10 myń turǵynǵa 100 jańa jumys ornyn qamtamasyz etý úshin barlyq ulttyq jobalar men bıznestiń jeke bastamalary aıasynda júrgiziletin jobalar men jumys oryndary Elektrondyq eńbek bırjasynda ornalastyrylady. Bul jumys oryndary barlyq qazaqstandyqtar úshin qoljetimdi bolady. 25 maýsymnan bastap bul jumys tolyq qolǵa alyndy, monıtorng elektrondy túrde kúnde júrgiziledi», - dedi Tamara Dúısenova.