2023 jyly 1 mln-ǵa jýyq adam jumysqa ornalasady
«Halyqty jumyspen qamtý aıasynda bıyl 830 myńnan astam adam jumysqa ornalasty, sonyń ishinde 233 myńy – jastar. Kelesi jyly 1 mln-ǵa jýyq adam jumysqa ornalasý kerek. Memlekettik organdar, kásiporyndar men jumys berýshilerdiń arasyndaǵy Birlesken is-qımyldyń biryńǵaı algorıtmi qabyldandy. Ol el boıynsha eńbek daýlarynyń sanyn 5 esege azaıtýǵa múmkindik berdi», - dedi Premer-Mınıstr.
Úkimet basshysynyń atap ótýinshe, memlekettiń barlyq áleýmettik mindettemeleri ýaqytyly jáne tolyq kólemde oryndalyp jatyr.
«Bıyl tsıfrlyq tehnologııalar arqyly áleýmettik qorǵaý salasynda 1 mln-ǵa jýyq qyzmet kórsetildi. Kelesi jyly 4,4 mln-nan astam adam 4,6 trln teńgege kóterilgen áleýmettik tólemderdi alady. 1 qańtardan bastap Otbasynyń tsıfrlyq kartasy arqyly áleýmettik qorǵaý salasyndaǵy qyzmetteri proaktıvti formatqa kóshiriledi», - Álıhan Smaıylov.
