2023 jylǵy jazǵy Ýnıversıada qaı elde ótetini belgili boldy
NUR-SULTAN. QazAqparat - 2023 jyly ótetin Búkilálemdik jazǵy ýnıversıada oıyndary qaı elde ótetini belgili boldy, dep habarlaıdy QazAqparat.
QR Ulttyq olımpıadalyq komıteti habarlaǵandaı, osydan bir kún buryn Halyqaralyq ýnıversıtet sporty federatsııasynyń otyrysynda Atqarýshy komıtet 2023 jylǵy jazǵy Ýnıversıadanyń astanasy retinde Reseıdiń Ekaterınbýrg qalasyn tańdaǵan.
«Neapolde ótken otyrysta Reseıdiń iri sporttyq jarystardy ótkizýden tájirıbesi mol ekendigine basymdyq berildi. Atap aıtar bolsaq, kórshi elde fýtboldan álem chempıonaty, qysqy jáne jazǵy ýnıversıada oıyndary men olımpıada ótken bolatyn», dep jazylǵan habarlamada.
Aıta keteıik, Reseı bul Búkilálemdik jazǵy ýnıversıada oıyndaryn osymen úshinshi márte ótkizgeli otyr. Osyǵan deıin, naqtyraq aıtsaq, 2013 jyly Reseıdiń Qazan qalasynda Jazǵy ýnıversıada ótse, 2019 jyly Krasnoıarskide stýdentterdiń qysqy oıyndary uıymdastyryldy.
