2023 jylǵy ÝEFA Chempıondar lıgasynyń fınaly Ystanbulda ótedi

YSTANBUL. Anadoly-QazAqparat - ÝEFA Chempıondar Lıgasynyń 2023 jylǵy fınaly Ystanbulda ótedi, dep habarlaıdy QazAqparat Anadoly agenttigine silteme jasap.

ÝEFA Chempıondar lıgasynyń fınalyn 2021 jyly Ystanbuldan Portýǵa (Portýgalııa) ótkizý týraly sheshiminen keıin Túrkııa fýtbol federatsııasy (TFF) men ÝEFA arasyndaǵy kelissózder qorytyndysy boıynsha 2023 jyly Ystanbuldyń Chempıondar lıgasynyń fınalyn qabyldaıtyny belgili boldy.

Sondaı-aq osy jyldyń tamyz aıynda Ystanbulda ÝEFA sýperkýbogyn ótkizý týraly kelisimge qol jetkizilgeni aıtyldy.

Qalanyń eki iri is-sharany ótkizý týraly sheshimi ÝEFA dırektorlar keńesiniń alǵashqy otyrysynan keıin kópshilikke jarııalanady dep kútilýde.

Tarıhta ekinshi ret Ystanbul Chempıondar lıgasynyń fınalyn qabyldaǵaly otyr. Birinshi match 2005 jyly ótken edi, onda penaltı serııasynyń nátıjesinde aǵylshyndyq «Lıverpýl» ıtalııalyq «Mılandy» jeńgen bolatyn.