2023 jylǵa qaraı ishki týrızm 4 esege óspek - Asqar Mamın
KÓKShETAÝ. QazAqparat - QR Premer-Mınıstriniń birinshi orynbasary Asqar Mamın Nursultan Nazarbaevqa elimizde týrızm salasyn damytý baǵytynda atqarylyp jatqan jumystar týraly baıandady, dep habarlaıdy QazAqparat tilshisi.
«Sizdiń tapsyrmańyzǵa oraı, Úkimet «Qazaqstan týrısteri aǵyny» memlekettik jobasyn ázirleý boıynsha jumys júrgizilýde. Jobanyń 7 basym baǵyttar bar. Bizdiń negizgi maqsatymyz 2023 jylǵa deıin týrızmniń qazirgi ekonomıkadaǵy úlesin 1,9 paıyzdan 8 paıyzǵa deıin ulǵaıtý», - dedi Asqar Mamın Býrabaıda Elbasyna shańǵy bazasyn tanystyrý kezinde jasaǵan baıandamasynda.
Onyń aıtýynsha bul kórsetkish álemniń ozyq damyǵan memleketteriniń deńgeıinde.
«Qazirgi kezde quramyna 60-tan astam týrıstik obektiler kiretin týrıstıfıkatsııa kartasy ázirlený ústinde. Kartaǵa engizilgen jobalar halyqaralyq alańdarda damytylady. Osy topqa kirgen 10 týrıstik jobany júzege asyrý úshin ınvestorlardy tartý qajet-, dedi birinshi vıtse-premer.
Sonymen qatar, A.Mamın elimizdegi týrıster aǵymyn arttyrý boıynsha aldaǵy josparlar týraly aıtty.
«2023 jylǵa qaraı biz ishki týrızmdi 500 myń adamnan 2 mıllıon adamǵa, ıaǵnı, 4 esege arttyratyn bolamyz»,- dep sózin túıdi ol.
