2023 jyldyń sońyna deıin azamattar Qazaqstanǵa jeńildikpen 11,5 myń elektromobıl ákele alady

ASTANA. QazAqparat - Búgingi tańda QR aýmaǵyna kedendik bajdar men salyqtardy tóleýden bosatyla otyryp, 3442 elektromobıl ákelindi. ıAǵnı, 2023 jyldyń sońyna deıin osylaı taǵy 11558 elektromobıl ákelýge múmkindik bar, dep habarlaıdy QR Qarjy mınıstrliginiń baspasóz qyzmeti.

Buǵan deıin Eýrazııalyq ekonomıkalyq komıssııa keńesiniń 2022 jylǵy 17 naýryzdaǵy № 39 sheshimimen 2022 jáne 2023 jyldary elektromobılderge bajsyz ákelý múmkindigi berilgen bolatyn. EEK sheshimine sáıkes 2023 jyly elektromobılderdi jeńildikpen ákelýge berilgen ruqsat 15 myń elektromobıl birligin quraıdy.
Qazirgi ýaqytta Qyrǵyz Respýblıkasynyń bastamasy boıynsha Eýrazııalyq ekonomıkalyq komıssııa alańynda bajsyz ákelý múmkindigin 2025 jylǵa deıin uzartý týraly másele qaralyp jatqanyn atap ótý mańyzdy.
Alaıda, joǵaryda atalǵan úles sheńberinde kedendik baj salyǵyn tóleýden bosatyp, biraq QQS tóleı otyryp, elektromobıldi ákelýdiń basqa múmkindigi bar ekenin eskerý mańyzdy. Bul jaǵdaıda Dúnıejúzilik saýda uıymynyń stavkalary boıynsha taýarlarǵa deklaratsııa tapsyrý qajet.