2023 jyldan Otbasynyń tsıfrlyq kartasy engiziledi

NUR-SULTAN. QazAqparat – 2023 jyldan Otbasynyń tsıfrlyq kartasy jáne Áleýmettik ámııan sııaqty tásilderdi engizý josparlanyp otyr. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Ataýly áleýmettik kómektiń biryńǵaı júıesin qurý azamattardyń ál-aýqatyn jaqsartý isindegi mańyzdy qadamnyń biri bolmaq. 2023 jyldan bastap, Otbasynyń tsıfrlyq kartasy jáne Áleýmettik ámııan sııaqty tásilderdi engizý josparlanyp otyr. Osy bastamalar aıasynda memlekettik qoldaýdyń túrli sharalary biriktiriledi. Onyń bári barynsha túsinikti, eń bastysy, naqty bolady ári aldyn-ala jasalady», - dedi Memleket basshysy.

Budan buryn habarlanǵandaı, Qasym-Jomart Toqaev Qazaqstanda áıelderdiń zeınetke shyǵýy 61 jas deńgeıinde bekitiletinin aıtty.

Prezıdent balabaqshalardaǵy tárbıeshilerdiń áleýmettik mártebesin arttyryp, jalaqysyn kóbeıtý kerek ekenin tapsyrdy.

Foto: chicagoildivorcelawyer.com