2023 jyldan bastap Pákistanǵa tikeleı áýe reısi ashylady

ASTANA. QazAqparat – Qazaqstannan Pákistanǵa tikeleı áýe qatynasy ashylady, dep habarlaıdy QazAqparat Azamattyq avıatsııa komıtetine silteme jasap.

QR Premer-Mınıstriniń orynbasary – saýda jáne ıntegratsııa mınıstri Serik Jumanǵarınniń tóraǵalyǵymen memlekettik organdar men uıymdardyń qatysýymen Qazaqstan men Pákistan arasyndaǵy saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi 11-otyrys ótti.

«Kezdesý qorytyndysy boıynsha Qazaqstan men Pákistannyń avıatsııalyq bıligi arasynda kelisimge qol qoıyldy. Ýaǵdalastyqtar negizinde 2023 jylǵy naýryzdan bastap Almaty – Lahor (aptasyna 2 reıs) jáne Almaty – Karachı (aptasyna 2 reıs) baǵyttary boıynsha tikeleı jolaýshylar reısterin ashý josparlanǵan»,- delingen habarlamada.