2023 jyldan bastap Ózbekstandaǵy memlekettik is qaǵazdaryn júrgizý latyn álipbıine kóshedi

TAShKENT. ÓzA – QazAqparat - 2023 jyldan Ózbekstandaǵy memlekettik tilde is qaǵazdaryn júrgizý latyn grafıkasyna negizdelgen ózbek alfavıtine kóshedi. Bul týraly QazAqparat ÓzA agettigine silteme jasap habarlaıdy.

2023 jyldyń 1 qańtarynan bastap Ózbekstandaǵy barlyq uıymdar men mekemelerdegi is qaǵazdaryn júrgizý latyn grafıkasyna negizdelgen ózbek alfavıtine kóshedi.

2021 jyly 10 aqpanda Ózbekstan Mınıstrler kabıneti «Latyn grafıkasyna negizdelgen ózbek alfavıtine kezeimen tolyq kóshýdi qamtamasyz etý sharalary týraly» №61-sandy qaýly qabyldady.

Qaýly týraly tolyq aqparatty agenttik jarııalady.

Qaýly mátine sáıkes, ózbek tili alfavıti men emle erejeleri negizinde translıteratsııaǵa arnalǵan aqparattyq baǵdarlamalyq jasaqtamanyń biryńǵaı talaby ázirlenedi (merzimi – 2022j. qańtar), sonymen qatar oqý oryndaryna arnalǵan oqýlyqtar men basqa da ádebıetter latyn grafıkasyna negizdelgen ózbek alfavıtine kezeń-kezeńimen baspadan shyǵarylatyn bolady.