2023 jyldan bastap keme qatynasyn jaqsartý jumystary bastalady

ASTANA. QazAqparat – 2023 jyly keme qatynaıtyn sý joldarynda sý túbin tereńdetý jumystary bastalady. Bul týraly Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Atyraý oblysynda 2018-2020 jyldary Jaıyq jáne Qıǵash ózenderiniń sý deńgeıin kóterý jáne gıdrologııalyq rejımin jaqsartý boıynsha jobalar júzege asyryldy. Kanaldardyń jalpy uzyndyǵy 194 shaqyrymdy qurady. Osy jyly respýblıkalyq bıýdjetten 3 mlrd teńge bólindi. Bul baǵytta jumystar jalǵasady», - S. Brekeshev.

Onyń aıtýynsha, 2023 jyly keme qatynaıtyn sý joldaryn retke keltirý jumystary bastalatynyn atap ótti.

«Bul jumystar balyqtardyń ýyldyryq shashatyn jerlerge ótýi úshin qosymsha qolaıly jaǵdaı jasaıdy, sondaı-aq balyq aýlaý kemeleriniń Kaspıı teńizine kedergisiz shyǵýyna múmkindik beredi», - dedi mınıstr.

Budan buryn habarlanǵandaı, Qazaqstan 25 myń tonna balyq ónimderin eksporttaıdy.

Balyqty zańsyz aýlaǵandar 15 táýlikke qamalýy múmkin.

Foto:gov.kz