2023 jyldan bastap eń tómengi jalaqy mólsheri 70 myń teńge bolady

ASTANA. QazAqparat – «Tarıfti ınvestıtsııaǵa aıyrbastaý» bastamasy aıasynda jelilerdiń tozý kórsetkishin 2029 jylǵa qaraı 20%-ke deıin tómendetý josparlanyp otyr. Úkimet otyrysynda Ulttyq ekonomıka mınıstriniń birinshi orynbasary Tımýr Jaqsylyqov aıtty, dep habarlaıdy QazAqparat tilshisi.

«Tarıftik saıasatty reformalaý úshin «Tarıfti ınvestıtsııaǵa aıyrbastaý» bastamasy pysyqtalýda. Ol salaǵa jańa ınvestıtsııalardy yntalandyrý arqyly kommýnaldyq ınfraqurylymdy jańartýdy kózdeıdi. Jelilerdiń tozýynyń 20%-ke deıin tómendetý kórsetkishine 2029 jylǵa qaraı qol jetkizý josparlanýda.

Jańa tarıftik saıasattyń tásilderine kóshýdi qamtamasyz etý tıisti jol kartasy sheńberinde iske asyrylatyn bolady.

Qazirgi ýaqytta kommýnaldyq jelilerdi jańǵyrtý maqsatynda ınvestıtsııalar kólemin ulǵaıtý úshin tabıǵı monopolııalar týraly zańnamaǵa ózgerister ázirlenýde», - dedi birinshi vıtse-mınıstr.

Sondaı-aq, ol Halyqtyń tabysyn arttyrýdyń 2025 jylǵa deıingi baǵdarlamasy ózektendirilip jatqanyn eske saldy.

«Bıyl ınflıatsııanyń joǵary deńgeıi halyqtyń tabysyna teris áserin tıgizýde. Buǵan qosa, 2023 jylǵy 1 qańtardan bastap eń tómengi jalaqy mólsheri 70 myń teńgege deıin ósiriledi..

Osy jáne de basqa ózgeristerdi eskere otyryp, aldaǵy ýaqytta Baǵdarlamany ózektendirý úshin jańa tásilder memlekettik organdarmen pysyqtalýda», - dedi Tıýmr Jaqsylyqov.