2023 jyldan bastap egin túsimin esepteýde ǵaryshtyq monıtorıng derekteri paıdalanylady
«Negizgi aýyl sharýashylyǵy daqyldarynyń jalpy ónimin jınaý jónindegi derekterdi jetildirý maqsatynda 2023 jyldan bastap jekelegen dándi daqyldardyń ónimdiligi, egis alańy jáne jalpy jınalymy boıynsha ǵaryshtyq monıtorıng derekterin paıdalaný josparlanǵan. Máselen, bıyl Strategııalyq josparlaý jáne reformalar agenttigi Ulttyq statıstıka bıýrosynyń statıstıkalyq qyzmetti júzege asyrý kezinde Jerdi qashyqtyqtan zondtaý (JQZ) derekterin alý jáne paıdalaný jónindegi quzyreti kúshine endi. Halyqaralyq áriptes – Polshanyń statıstıkalyq keńsesimen birlesip osy jylǵy maýsymda Qazaqstan statıstıkasynda JQZ júıelerin paıdalaný jobasyn iske asyrý boıynsha granttyq qoldaý alý úshin Eýropalyq ǵarysh agenttigine ótinim joldandy», - dedi Úkimet basshysy jaýabynda.
Premer-Mınıstrdiń atap ótýinshe, Aýyl sharýashylyǵy mınıstrligi BUU-nyń Azyq-túlik jáne aýyl sharýashylyǵy uıymy (budan ári – FAO) ázirlegen «Azyq-túlik qaýipsizdigin qamtamasyz etý úshin derekterdi qashyqtyqtan zondtaý jáne dalalyq jınaý negizinde ónimdilikti baǵalaý ádistemesin jaqsartý» ilki jobasyn engizý jumysyn júrgizip jatyr. Onyń negizgi maqsaty – aýyl sharýashylyǵy alqaptarynyń monıtorıngi jáne olardyń ónimdiligi úshin qolda bar derekterdi paıdalana otyryp qashyqtyqtan zondtaý, quraldar men ádistemelerdi synaý, ázirleý jáne jetildirý. FAO-nyń ilki jobasy ákimshilik deńgeıde ónimdilik týraly aqparat alýǵa jáne mashınalyq oqytý negizinde ónimdilikti boljaý modelderin paıdalanýǵa múmkindik beredi.
«Osy ádispen alynǵan málimetter jalpy jınaý týraly durys statıstıkalyq aqparatqa ıe bolýǵa múmkindik beredi. Búgingi tańda QR AShM men FAO arasynda kelissózder júrgizilip jatyr. Keıin jobany iske asyrý týraly kelisimge qol qoıylady. Osylaısha, aýyl sharýashylyǵy statıstıkasyn qalyptastyrýdy jetildirý jónindegi jumys turaqty negizde júrgiziledi jáne aýyl sharýashylyǵy derekterin durys esepke alý boıynsha qajetti sharalar qabyldanady», - dedi Álıhan Smaıylov.
