2023 jyldan bastap áskerden oralǵan sarbazdar 40-tan astam ýnıversıtette tegin oqı alady
Qorǵanys mınıstrligi taratqan málimetke sensek, keshe Narxoz ýnıversıtetiniń ókilderi Almaty oblysyndaǵy baılanys áskerleriniń oqý ortalyǵynda bolyp, áskerı qyzmetshilerge merzimdi qyzmetti ótkergennen keıin joǵary oqý ornyna túsý sharttaryn túsindirgen.
Aıta keteıik, ekeýara kelisimge Qorǵanys mınıstri men 40-tan astam joǵary oqý ornynyń rektorlary qol qoıǵan.
Osyǵan sáıkes belgilengen merzimde qyzmetin ótegen jáne qyzmet etý kezinde erekshelengen áskerı qyzmetshilerge joǵary oqý oryndary tegin oqýǵa múmkindik beredi.
Buǵan deıin Qurlyq áskerleri áskerı ınstıtýty men Radıoelektronıka jáne baılanys áskerı-ınjenerlik ınstıtýtynyń ókilderi de áskerı bólimde bolyp, osyndaı kezdesý ótkizgenin atap ótken jón.
Budan ózge aldaǵy ýaqytta Qazaq ulttyq agrarlyq ýnıversıtetiniń mamandarymen de kezdesý ótkizý josparlanyp otyr.
Merzimdi qyzmettegi áskerı qyzmetshilerge joǵary oqý oryndarynda jeńildikpen bilim alý týraly kelisim 2023 jyldan bastap kúshine enedi.
Eske sala keteıik, buǵan deıin áskerı boryshyn ótegenderdi elimizdiń 50 ýnıversıteti tegin oqytýǵa nıet tanytyp otyrǵanyn jazǵan edik.
