2023 jyldan aýyl mektepteri jan basyna qarjylandyrýǵa birtindep kóshiriledi

NUR-SULTAN. QazAqparat – 2023 jyldan aýyl mektepterin jan basyna qarjylandyrýǵa birtindep kóshirý bastalady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym mınıstri Ashat Aımaǵambetov málim etti, dep habarlaıdy QazAqaparat tilshisi.

«Tolyq jınaqtalǵan aýyl mektepterin jan basyna qarjylandyrýǵa birtindep kóshirýdi 2023 jyldan bastaıtyn bolamyz. 2022 jyly pılotty jobany ótkizemiz. Biz 2020 jyly barlyq qala mektepterin jan basyna qarjylandyrýǵa kóshirdik jáne onyń oń nátıjesin kórip otyrmyz. Birinshiden ol – ártúrli óńirlerdegi mektepterdi qarjylandyrý kólemin birshama teńestirdi, mektepterdiń materıaldyq-tehnıkalyq bazasyn nyǵaıtýǵa múmkindik berip, bıýdjet qarajatyn paıdalanýdyń tıimdiligin arttyrý jáne bilim berý salasyna jekemenshik ınvestıtsııalar tartýǵa jaǵdaı jasady», - dedi A. Aımaǵambetov.

Onyń aıtýynsha, atalǵan qadamdar qala men aýyl mektepteri arasyndaǵy sapa alshaqtyǵyn da sheshýge múmkindik beretin bolady.

Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.