2023 jyl Túrki órkenıetin damytý jyly bolyp jarııalandy

SAMARQAN. QazAqparat - Túrki memleketteri uıymy 2023 jyldy Túrki órkenıetin damytý jyly dep jarııalady. Bul týraly Ózbekstan prezıdenti Shavkat Mırzıeev Samarqanda ótken TMU sammıtinde aıtty, dep habarlaıdy QazAqparattyń menshikti tilshisi.

Ózbekstan basshysy uıymǵa múshe elder úshin kóne túrki órkenıetiniń baǵa jetpes murasyn saqtaý, zerdeleý jáne bolashaq urpaqqa jetkizý mańyzdy ekenin atap ótti.

«Túrki áleminiń tańqaldyrar uly tarıhy, ata-babasy, teńdesi joq baılyǵy bar. Túrki áleminiń bolashaǵy zor ekenine senimdimin. Biz bul keleshekti eńbekqor, jomart, tekti halyqtarymyzben birge quratynymyz sózsiz», – dedi Ózbekstan basshysy.

Ol kóne Samarqan qalasynda ótken sammıt túrki álemi órkenıetiniń jańa tarıhtaǵy jańa kezeńine bastaý bolatynyn atap ótti.

«Búgin osy ıgi ıdeıany kórsetetin Samarqan deklaratsııasy qabyldanady. Sondaı-aq, uıym múshelerine 2023 jyldy Túrki órkenıetin damytý jyly dep jarııalaý týraly usynysymyzdy qoldaǵany úshin alǵysymdy aıtqym keledi», - dep túıindedi sózin Sh.Mırzıeev.

10-11 qarashada Samarqanda Túrki memleketteri uıymynyń sammıti ótip jatyr.

Jıynǵa Ázerbaıjan, Qazaqstan, Qyrǵyzstan, Túrkııa jáne Ózbekstan basshylary qatysýda. Vengrııa men Túrikmenstan ókilderi sammıtke baqylaýshy retinde qatysyp otyr.

Túrki keńesi 2009 jyly qurylǵan. Bastapqyda onyń quramyna Ázerbaıjan, Qazaqstan, Qyrǵyzstan jáne Túrkııa kirdi. Ózbekstan odaqqa 2019 jyly qosyldy.

2021 jyldyń qarashasynda keńes Túrki memleketteriniń uıymy bolyp ózgerdi. Samarqandaǵy sammıtten keıin uıymǵa tóraǵalyq etý mártebesi Túrkııadan Ózbekstanǵa ótedi.

Foto: t.me/KZgovernment