2023 jyly Túrkııadaǵy jer silkinisi týraly eskertý júıesi isten shyqqan – Google

ACTANA. KAZINFORM – Tehnologııalyq alpaýyt Google kompanııasy Android jer silkinisi týraly eskertýler (AEA) júıesi 2023 jyldyń 6 aqpanynda Túrkııada bolǵan joıqyn jer silkinisi týraly halyqty durys eskertpegenin resmı túrde moıyndady, dep habarlaıdy Kazinform NDTV World arnasyna silteme jasap.

Bul tabıǵı apat 55 myńnan astam adamnyń ómirin qıdy. 

Tańerteń, jergilikti ýaqyt boıynsha saǵat 04:17-de Túrkııanyń ońtústik-shyǵysynda jáne Sırııanyń soltústiginde magnıtýdasy 7,8 bolatyn kúshti jerasty dúmpýleri boldy. Odan birneshe saǵattan keıin magnıtýdasy 7,5 bolatyn jer silkinisi qaıtalandy. Tabıǵı apattan on myńdaǵan ǵımarat qırap, mıllıondaǵan turǵyn zardap shekti. 

– AEA júıesi naqty ýaqyt rejıminde jumys istese de, ol birinshi soqqynyń kúshin óreskel baǵalamady, - dep habarlaıdy BBC tergeýi negizinde. 

Google algorıtmi magnıtýdany 4,5-4,9 dep qate anyqtady, bul naqty 7,8-den áldeqaıda tómen ekenin aıta keteıik. 

Nátıjesinde epıtsentrden 160 km radıýsta múmkin bolatyn 10 mıllıon paıdalanýshynyń 469-y ǵana «Áreket etý» eskertýin aldy. Onyń ornyna 500 myńǵa jýyq paıdalanýshy dybyssyz nemese «Mazalamaý» rejımin úzbeı «Eskertý» habarlandyrýyn aldy. 

Google kompanııasynyń AEA júıesi Túrkııadaǵy mobıldi qurylǵylardyń 70%-dan astamyn quraıtyn Android smartfondarynyń ishindegi akselerometrlerge negizdelgen. Ol jer silkinisiniń bastapqy silkinisin taldaýǵa jáne kúshti seısmıkalyq tolqyn bastalǵanǵa deıin shuǵyl eskertý jiberýge arnalǵan. 

– Biz árbir jańa jer silkinisiniń derekteri negizinde júıeni jetildirýdi jalǵastyramyz, - dedi Google ókili BBC-ge bergen suhbatynda. 

Qaıǵyly jaǵdaıdan keıin Google júıeni jańartyp, ony qaıta ımıtatsııalady. Jańa sharttarda algorıtm 10 mıllıon mańyzdy eskertýler men 67 mıllıon standartty habarlandyrýlar jiberedi. 

Búgingi tańda Android jer silkinisi týraly eskertý júıesi 98 elde, sonyń ishinde jer silkinisi qaýpi bar aımaqtarda jumys isteıdi. Google Túrkııadaǵy oqıǵalardan keıin derekterdi baǵalaý jáne súzý algorıtmderin aıtarlyqtaı jaqsartqanyn habarlady. 

Eske sala keteıik, buǵan deıin sáýir aıynda Ystanbulda birneshe jer silkinisi bolǵanyn habarlaǵan edik.