2023 jyly memlekettiń áleýmettik mindettemeleri oryndaldy – Qarjy mınıstri
ASTANA. KAZINFORM – Byltyr Respýblıkalyq bıýdjettiń kiristeri boıynsha jyldyq jospar 99,9 paıyzǵa oryndaldy. Bul týraly Senattyń jalpy otyrysynda 2023 jylǵa arnalǵan respýblıkalyq bıýdjettiń atqarylýyn talqylaý kezinde QR Qarjy mınıstri Mádı Takıev málim etti.
«Qajet qarjylandyrýmen qamtamasyz etý - memleketke óziniń áleýmettik mindettemelerdiń barlyǵyn oryndaýǵa múmkindik berdi. Jalpy, bıýdjet tapshylyǵy 3,1 trln teńge nemese jalpy ishki ónimge qaraǵanda 2,6 paıyzdy qurady», - dedi M. Takıev.
Onyń aıtýynsha, 2024 jylǵy 1 qańtardaǵy jaǵdaı boıynsha memlekettik borysh 27,2 trln teńge nemese jalpy ishki ónimge shaqqanda 22,8 paıyzdy qurady.
Sonymen qatar ol byltyr Respýblıkalyq bıýdjettiń kiristeri boıynsha jyldyq jospar 99,9 paıyzǵa oryndalǵanyn, bıýdjetke 19 trln teńge túskenin aıtty. Onyń ishinde, respýblıkalyq bıýdjettiń menshikti kiristeri (transfertterdi eseptemegende) 14,5 trln teńgege jetti. Salyq túsimderi 12,9 trln teńgeni qurady.
«Jalpy, 2022 jylmen salystyrǵanda kirister 4 trln teńgege ulǵaıdy, onyń 2,9 trln teńgesi 29 paıyzǵa ósken salyq túsimderine baılanysty», - dedi mınıstr.
