2023 jyly kóliktiń barlyq túrimen júk tasymaly 4,4 paıyzǵa ulǵaıdy

ASTANA. KAZINFORM – 2023 jyly kóliktiń barlyq túrimen júk tasymaly 4,4 paıyzǵa ulǵaıdy. Bul týraly Kólik mınıstrliginen málim etti.

«Qazaqstan Respýblıkasy Strategııalyq josparlaý jáne reformalar agenttiginiń ulttyq statıstıka bıýrosynyń derekteri boıynsha 2023 jyly Qazaqstan Respýblıkasynyń aýmaǵy boıynsha kóliktiń barlyq túrimen júkterdi tasymaldaýdan el bıýdjetine 4 193 707,5 mıllıon teńge tústi. Bul 2022 jylǵy kórsetkishten 22 paıyzǵa (2022 jyly – 3 264 416,1 mıllıon teńge) artyq», - delingen mınıstrliktiń agenttik saýalyna bergen jaýabynda.

Vedomstvo málimetinshe, kóliktiń barlyq túrimen júk tasymaldaý kólemi 4,4 paıyzǵa ulǵaıyp, 980,7 mln tonnany qurady. Al 2022 jyly kóliktiń barlyq túrimen 939,5 mln tonna júk tasymaldanǵan bolatyn.

«Búgingi tańda júkterdi tasymaldaý baǵasy básekelestik ortada jáne kólik-logıstıka sektorlarynyń kompanııalary qalyptastyrady», - dedi Kólik mınıstrliginen.