2023 jyly Italııada eń qolaısyz kún raıy baıqalǵan
Legambiente ekologııalyq lobbı toby basqaratyn klımattyq observatorııanyń beısenbi kúni jarııalanǵan málimetterine sáıkes, Italııa 2023 jyly aýa raıynyń 378 qolaısyz qubylysy týraly habarlady. Bul ótken jylmen salystyrǵanda 22 paıyzǵa kóp. Kazinform bul týraly Sınhýa aqparat agenttigine silteme jasap habarlaıdy.
Bul qubylystarǵa aptap ystyq, qurǵaqshylyq, burshaq, sý tasqyny jáne kem degende 31 adamnyń ómirin qıǵan dúleı jel endi.
Sonymen qatar Coldiretti aýylsharýashylyq kásipodaǵynyń málimdeýinshe, bıylǵy jyly Apennın túbeginde kúnine toǵyzdan astam qolaısyz aýa raıy qubylysy baıqalǵan.
Kásipodaq sarapshylarynyń málimdeýinshe, kún raıynyń qolaısyzdyǵy egin sharýashylyǵy men aýylsharýashylyq ınfraqurylymyna rekordtyq 6 mlrd eýro somasynda zııan keltirdi. Bul atalǵan elde záıtún maıy, shabdaly, nektarın jáne bıdaı óndirisiniń tómendeýine ákep soqty.
Legambiente esebine sáıkes, Italııanyń soltústik bóligi eń qatty zardap shekken, munda 210 ekstremaldy aýa raıy qubylysy bolǵan. Ortalyq aýdandarda mundaı 98 jaǵdaı, ońtústik óńirlerde 70 jaǵdaı tirkeldi.
