2023 jyly AÓІSShK elderi Qazaqstan ekonomıkasyna 1,6 mlrd ınvestıtsııa quıdy
ASTANA. KAZINFORM – Ótken jyly Qazaqstan men Azııadaǵy ózara is-qımyl jáne senim sharalary keńesi elderi arasyndaǵy taýar aınalymy 82 mlrd dollarǵa jetti. Bul týraly AÓІSShK Іskerlik keńesiniń 7-otyrysynda «Atameken» UKP basqarma tóraǵasy Raıymbek Batalov aıtty.
«Qazaqstan 2021 jyly AÓІSShK tóraǵalyǵyn ózine aldy jáne osy ýaqyttyń ishinde biz aıtarlyqtaı nátıjege qol jetkizdik. Qazaqstan bıznesi AÓІSShK elderiniń bıznesimen agroónerkásip kesheni, mashına jasaý, logıstıka, medıtsına, bilim berý, ІT, týrızm syndy ekonomıkanyń kóptegen sektoryn qamtıy otyryp, belsendi yntymaqtastyqty jolǵa qoıdy», - dedi palata basshysy.
Onyń dereginshe, 2023 jyly Qazaqstannyń AÓІSShK elderimen taýar aınalymy 5 paıyzǵa artyp, shamamen 82 mlrd dollarǵa jetti. Ótken jyly bul kórsetkish 78,3 mlrd dollardy quraǵan bolatyn.
«Búginde Qazaqstan aýmaǵynda AÓІSShK elderi kapıtalynyń qatysýymen 26 myńnan astam kompanııa jumys isteıdi. 2023 jyldyń ishinde AÓІSShK elderinen Qazaqstanǵa quıylǵan ınvestıtsııa kólemi 1,6 mlrd dollardy qurady», - dedi Raıymbek Batalov.
