2023 jyly almatylyqtar 400 myńnan astam tólqujat pen jeke kýálik aldy
2023 jyly Azamattarǵa arnalǵan úkimet arqyly 2,6 mıllıonnan astam qazaqstandyq tólqujat pen jeke kýálik alǵan, dep habarlaıdy Kazinform.
Onyń ishinde almatylyqtar ótken jyly 400 myńnan astam pasport pen jeke kýálik aldy.
«Almaty HQO-lary arqyly 427 303 sheteldik pasporttar men jeke kýálikter berildi. Bul rette ótken jyly 5300 adam Medeý aýdandyq HQO-daǵy qujattaý termınaldary arqyly ótinim berdi. Termınaldar ýaqytty únemdeıdi jáne birneshe mınýt ishinde ótinim berýge múmkindik beredi. Bıyl Áýezov aýdandyq HQO-da da qujattandyrý boıynsha termınaldar ornatý josparlanýda», — dedi «Azamattarǵa arnalǵan úkimet» memlekettik korporatsııasy Almaty qalasy fılıalynyń dırektory Abdýrasýl Kýldashov.
Aıta keteıik, 2024 jylǵa kelesideı memlekettik baj alymy belgilendi: QR azamatynyń 36 paraqty tólqujaty úshin — 8 AEK, 48 paraqty tólqujat úshin — 12 AEK, 24 paraqty tólqujat úshin (16 jasqa deıingi balalarǵa) — 4 AEK. Jeke kýálik úshin tólem 0,2 AEK-ti quraıdy.
Eske salsaq, ótken jyly tólqujattar men jeke kýálikterdi berý suranystaǵy memlekettik qyzmetter qatarynda bolǵan.
