2023 jyldyń qorytyndysy boıynsha Qytaı avtomobıl eksportynan álemde birinshi oryn alýy múmkin
2023 jyldyń sońyna qaraı Qytaı alǵash ret syrtqy naryqtarǵa jetkizilimderdiń ulǵaıýyna, sondaı-aq ósip kele jatqan jahandyq elektromobıl ónerkásibine baılanysty álemdegi eń iri avtomobıl eksporttaýshysy bolýy múmkin. Bul týraly Nikkei jazady, dep habarlaıdy Kazinform.
Qytaı avtomobıl óndirýshileri qaýymdastyǵynyń (CAAM) aldyn ala málimeti boıynsha, bıylǵy jyldyń qańtar-qarasha aılary aralyǵynda Qytaı 4,41 mıllıon kólik eksporttaǵan.
Japonııa osy jyldyń alǵashqy 11 aıynda 3,99 mıllıon dana kólik eksporttasa, 2023 jyldyń sońyna qaraı jalpy eksport kólemi shamamen 4,3 mıllıonǵa jetýi múmkin.
Basylymnyń málimetinshe, qańtardan qazanǵa deıingi aralyqta Qytaı Reseıge 730 myń kólik eksporttaǵan, bul ótken jylmen salystyrǵanda jeti ese kóp.
Óz kezeginde, Meksıkaǵa avtokólik jetkizilimi bir jylmen salystyrǵanda 71%-ǵa ósip, 330 myńdy qurady.
Qytaı bıyl elektrli jáne basqa da balamaly energııa kólikteriniń jahandyq eksportyn keńeıtti.
Qytaıdyń jańa energetıkalyq kólikter eksporty 2023 jyldyń alǵashqy 11 aıynda 1,09 mıllıon danany qurady, bul bir jylmen salystyrǵanda 83,5%-ǵa artyq.
