2023 jyldyń 3 naýryzynan beri elimizde 17,9 myń azamat bankrot dep tanyldy — MKK

ASTANA. KAZINFORM — 2023 jyldyń 3 naýryzynan beri elimizde 17,9 myń azamat bankrot dep tanyldy. Bul týraly OKQ alańynda Memlekettik kirister komıteti tóraǵasynyń orynbasary Seıiljan Ahmetov aıtty.

«2023 jyldyń 3 naýryzynan beri sottan tys bankrottyq rásimine 131,3 myń ótinish tústi. 6,6 myń ótinish memlekettik kirister organdarynda qaralýda. 8,4 myń azamatqa qatysty rásim júrgizilýde. 1,9 myń azamatqa qatysty rásim toqtatyldy. 215 ótinishti ótinish berýshi ózi qaıtaryp aldy. 17,9 myń azamat bankrot dep tanyldy, qaryz somasy — 40,9 mlrd teńge. 96 myń ótinish boıynsha bas tartyldy», — dedi OKQ alańynda ótken baspasóz máslıhatynda Seıiljan Ahmetov.

Málim bolǵandaı, bankrottyq rásimnen bas tartýǵa ótinish berýshilerdiń arnaıy krıterıılerge sáıkes kelmeýi sebep bolǵan. Atap aıtqanda:

— 69 myń ótinish (nemese 77%) 12 aılyq tólem qabiletsizdigi bolmaýyna baılanysty (bólip tóleý tólemder boldy);
— 42 myń ótinish (nemese 47%) — sottan tys bankrottyqqa jatatyn qarjy uıymdarynyń tiziminde kredıtorlardyń bolmaýyna baılanysty;
— 39 myń ótinish (nemese 44%) múliktiń bolýyna baılanysty;
— 28 myń ótinish (nemese 32%) kredıtormen retteý rásimin rastaıtyn qujattyń bolmaýyna baılanysty;
— 8,9 myń ótinish (nemese 10%) 1 600 AEK kólemindegi qaryz sheginen asyp ketýine baılanysty keri qaıtarylǵan.

Aıta keteıik, 2023 jyldyń 3 naýryzynda elimizde jeke tulǵalardyń bankrottyǵyn rásimdeýge ótinish qabyldaý bastaldy.