2023 jyldan beri memleketke qaıtarylǵan aktıvterden qorǵa qansha qarajat tústi
ASTANA. KAZINFORM — 2023 jyldan beri memleketke qaıtarylǵan aktıvterdi basqarý jáne satý esebinen Arnaıy memlekettik qorǵa 593,2 mlrd teńge tústi. Bul qarajatqa elimiz boıynsha 483 áleýmettik jáne ınfraqurylymdyq joba qarjylandyryldy. Bul týraly Qarjy mınıstrligi Memlekettik múlik jáne jekeshelendirý komıtetiniń tóraǵasy Nurmahan Ádilbekov málim etti.
Spıkerdiń aıtýynsha, qazirgi ýaqytta Arnaıy memlekettik qorǵa túsken qarajattyń jalpy kólemi 593,2 mlrd teńgeni qurap otyr. Onyń quramyna qaıtarylǵan aqsha qarajaty, qaıtarylǵan aktıvterdi satýdan túsken túsimder, sybaılas jemqorlyq quqyq buzýshylyqtary boıynsha tárkilengen múlik jáne basqa da aktıvter kiredi.
— Jınalǵan qarajat esebinen elimizdiń barlyq óńirinde jalpy somasy 553,7 mlrd teńgege densaýlyq saqtaý, sýmen jabdyqtaý, bilim berý, sport, kólik jáne energetıka salalaryndaǵy 483 áleýmettik jáne ınfraqurylymdyq joba qarjylandyryldy, — dedi spıker.
Sonymen qatar komıtet tóraǵasy 2023 jyldan bastap basqarýshy kompanııaǵa jalpy quny 99,84 mlrd teńge bolatyn 269 qaıtarylǵan aktıv berildi. Basqarýshy kompanııa aktıvterdi basqarý jáne satý nátıjesinde Arnaıy memlekettik qorǵa 51 mlrd teńge aýdarǵanyn atap ótti.
Buǵan deıin 2025 jyly memlekettik aktsııalar úlesinen bıýdjetke qansha kiris túskenin jazǵanbyz.
