2023-2025 jyldarǵa arnalǵan keshendi josparda balalar densaýlyǵyna erekshe mán beriledi - Senat
Atalǵan zańdar elimizde tsıfrlyq aktıvter men tsıfrlyq maınıngti shyǵarý jáne olardyń aınalymy jónindegi qyzmetti odan ári damytý úshin quqyqtyq baza qalyptastyrýdy kózdeıdi.
Aıta keteıik, 19 qańtarda Senat bul qujattarǵa túzetýler engizip, olardy Májiliske qaıtarǵan edi.
Dál sol kúni tústen keıin Memleket basshysy Jetinshi saılanǵan QR Parlamentiniń Májilisin taratý jáne QR Parlamenti Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıdy.
Sondyqtan Májilistiń taratylýyna qatysty Parlament fýntsııalaryn Senat atqarady.
Atap aıtqanda, Májilis qabyldaǵan Zańǵa mynadaı ózgerister engizý usynyldy:
- tsıfrlyq maınıng jónindegi qyzmetti júzege asyrýǵa arnalǵan lıtsenzııalardyń kishi túrleriniń ataýlaryn naqtylaý;
- tsıfrlyq maınerdiń qyzmetin jarnamalaýǵa qatysty normalardy alyp tastaý, óıtkeni olar «Jarnama týraly» Zańda jáne Ákimshilik quqyq buzýshylyq týraly kodekste kózdelgen;
- Zań normalaryn qoldanysqa engizý merzimderin naqtylaý.
Osy oraıda búgin Senattyń jalpy otyrysynda atalǵan zań men ilespe qujattardyń jekelegen baptary jańa redaktsııada maquldandy.
Zańnyń mindetteri:
- jańa termınologııany engizý (tsıfrlyq aktıv, tsıfrlyq aktıvter bırjasy, tsıfrlyq maınıng, tsıfrlyq maınıng derekterin óńdeý ortalyǵy);
- tsıfrlyq maınerler qyzmetin lıtsenzııalaý;
- tsıfrlyq maınıngtik pýldar qyzmetin júzege asyrý;
- salyq salý maqsatynda tsıfrlyq maınerler men tsıfrlyq maınıngtik pýldardyń kiristeri týraly málimetterdi usyný;
- tsıfrlyq aktıvter bırjalarynyń qyzmetin reglamentteý;
- tsıfrlyq aktıvter salasyndaǵy memlekettik baqylaý;
- Qazaqstan Respýblıkasynyń tsıfrlyq aktıvter salasyndaǵy zańnamasyn buzǵany úshin jaýaptylyq.
Budan bólek, senatorlar «2014 jylǵy 23 EAEO aıasynda medıtsınalyq buıymdar aınalysynyń biryńǵaı qaǵıdattary men qaǵıdalary týraly kelisimge ózgeris engizý týraly hattamany ratıfıkatsııalaý týraly» (10.06.2022 j. qol qoıylǵan) jáne «2014 jylǵy 23 jeltoqsandaǵy EAEO sheńberinde medıtsınalyq buıymdar aınalysynyń biryńǵaı qaǵıdattary men qaǵıdalary týraly kelisimge ózgeris engizý týraly hattamany ratıfıkatsııalaý týraly» (30.12.2021 j. qol qoıylǵan) zańdardy qarap, maquldady.
Zańnyń negizgi maqsaty - Eýrazııalyq ekonomıkalyq odaqqa múshe memleketterdiń densaýlyq saqtaý júıesin medıtsınalyq buıymdarmen qamtamasyz etý.
«Búgingi kúni Eýrazııalyq ekonomıkalyq komıssııa Keńesi EAEO aıasynda medıtsınalyq buıymdar aınalysynyń biryńǵaı qaǵıdattary men qaǵıdalary týraly kelisimge ózgerister engizý týraly 4 Hattamamen maquldandy. Ratıfıkatsııalaý maqsatynda Sizderge qaraý úshin №1 jáne №2 hattama engizilip otyr. Sonymen qatar, qalǵan eki hattama memleketishilik kelisý men qol qoıý kezeńinde. Qaralyp otyrǵan №1 Hattamany ratıfıkatsııalaý burynǵy ulttyq rásim boıynsha berilgen merzimsiz tirkeý kýálikteri bar medıtsınalyq buıymdarǵa qatysty EAEO aıasynda qaıta tirkemeı, Qazaqstan Respýblıkasy aýmaǵynda erkin aınalysta bolýyna múmkindik beredi», - dedi Densaýlyq saqtaý mınıstri Ajar Ǵınııat.
Onyń aıtýynsha, ulttyq zańnama boıynsha 10 myń medıtsınalyq buıym tirkelgen, olardy EAEO aıasynda qaıta tirkeýdiń qajeti joq.
Senattyń jalpy otyrysynda depýtattar atalǵan qujattardy maquldaý týraly sheshim qabyldady.
Osy oraıda Senat tóraǵasy Máýlen Áshimbaev bul zańdar Eýrazııalyq ekonomıkalyq odaq aıasyndaǵy medıtsınalyq buıymdar aınylymyna qatysty jekelegen máselelerdi retteýge arnalǵanyn aıtty.
«Jańa normalar Eýrazııalyq ekonomıkalyq odaqqa múshe memleketterdi sapaly medıtsınalyq buıymdarmen júıeli negizde qamtamasyz etýge qolaıly jaǵdaı qalyptastyrady dep senemiz», – dedi M. Áshimbaev.
Foto: senate.parlam.kz
«Ańsaǵan sábı» baǵdarlamasy: 7 myń kvota bólindi
Búgin Senattyń jalpy otyrysynan keıin QR Densaýlyq saqtaý mınıstri Ajar Ǵınııat tilshilerdiń suraqtaryna jaýap berdi.
«Ańsaǵan sábı» baǵdarlamasy boıynsha EKU aıasynda bólingen kvota sany 7000-ǵa deıin kóbeıdi. Osy oraıda elimizde 20-dan astam tıisti ortalyq bar. Sondyqtan standartqa sáıkes dárigerleri bar, qural-jabdyqtary jasaqtalǵan ortalyqtar baǵdarlamany júzege asyrýǵa qatysyp otyr. Bıylǵa da 7 myń kvota bólindi», - dedi vedomstvo basshysy.
Aıta keteıik, bul emshara terapııalyq jolmen emdeý nátıje bermeıtin bedeýlik dıagnozy qoıylǵan patsıentterge arnalǵan. EKU-ǵa otbasylyq juptar da, jeke adam da qatysa alady. Mindetti túrde úmitkerdiń erikti jazbasha kelisimi bolýy kerek.
Sonymen qatar, mınıstr Tarazdaǵy bala satý oqıǵasyna pikir bildirdi.
Budan buryn habarlanǵandaı, Tarazda jańa týǵan sábıdi 1,5 mln teńgege satqan akýsherler qamaýǵa alyndy.
«Meniń oıymsha, bizde mundaı jaǵdaılar shamamen bes jyl buryn bolǵan. Sodan keıin búkil perınataldyq ortalyqtar men perzenthanalarǵa beınebaqylaý ornattyq. Baladan bas tartqan analardyń janynda bolatyn mamandardyń, psıhologtardyń jumysyn uıymdastyrdyq. Osyndaı naqty jumystar júrgizildi», - dedi A. Ǵınııat.
Mınıstr Tarazdaǵy oqıǵanyń mán-jaıyn naqty bilmeıtinin aıtty.
«Barlyq perzenthanada beınebaqylaý júıesi ornatylǵan. Dárigerler palatadaǵy jaǵdaıdy qarap otyrady. Alaıda jaqynda bolǵan oqıǵany nazarǵa ala otyryp, el boıynsha medıtsınalyq personalmen taǵy da tıisti jumysty atqaratyn bolamyz», - dedi mınıstr.
Budan bólek, tilshiler mınıstrden áleýmettik jelide taraǵan vıdeoǵa qatysty suraq qoıdy. «Atyraýda náresteni hıdjama tásili arqyly emdep jatqanyn vıdeodan kórýge bolady. Bul qanshalyqty durys?», - dep surady tilshi.
«Búginde adamdar dástúrli emes medıtsınamen aınalysyp júr. Qalaı bolǵanda da olar medıtsınalyq kómek kórsetse, tıisti lıtsenzııany alýy kerek. Qazirgi kezde lıtsenzııalanatyn medıtsınalyq qyzmetke hıdjama jatpaıdy. Sondyqtan Komıtet (medıtsınalyq-farmatsevtıkalyq baqylaý) bul derekti qarap, tekserý júrgizedi. Aldaǵy ýaqytta osy máselelerdi qarastyratyn bolamyz», - dedi A. Ǵınııat.
Foto: hidzhame.ru
Munymen qosa, vedomstvo basshysy QR Densaýlyq saqtaý mınıstrligi halyqqa onkologııalyq kómek kórsetý boıynsha 2023-2025 jyldarǵa arnalǵan keshendi jospar ázirlep jatqanyn aıtty.
«Bul josparda adam papılloma vırýsyna qarsy vaktsına egý qarastyrylǵan. Sonymen qatar, atalǵan is-sharalar aıasynda qaterli isik aýrýlaryna qarsy tıisti qadamdar eskerilgen. Atap aıtqanda, bul baǵytta tıisti jumys atqarylady jáne ony ata-analardyń kelisimin eskere otyryp iske asyramyz», - dedi A. Ǵınııat Senattyń jalpy otyrysynan keıin tilshiler suraǵyna jaýap bere otyryp.
Onyń sózine qaraǵanda, bıyl atalǵan josparǵa qatysty daıyndyq júrgiziledi.
«2023 jyly egjeı-tegjeıli talqylaý, normatıvtik-quqyqtyq aktilerdi daıarlaý, bıýdjetti qorǵaý jumystary eskerilgen. Bıýdjet bekitilgennen keıin atalǵan is-sharalar keler jyldan bastalady. Bul turǵyda kámeletke tolmaǵan balalar qamtylady. Eger bul is-sharalar ulttyq kúntizbege engizilse, onyń barlyǵy aqysyz bolady», - dedi mınıstr.
