2022 jyly SQO ormandarynda 34 ret órt shyqqan
SQO tabıǵı resýrstar jáne tabıǵat paıdalanýdy retteý basqarmasynyń málimetinshe, oblysta 12 orman sharýashylyǵy mekemesi jáne «Krasnyı bor» janýarlar dúnıesin qorǵaý jónindegi sharýashylyq jumys isteıdi.
Órtpen kúres jáne órttiń aldyn alý – ormanshylardyń negizgi jumystarynyń biri. Bıyl ormandy órtten saqtaý maqsatynda 1,3 myń km-ge mıneraldy jolaqtar júrgizildi.
Desek te, órt qaýipti kezeńde 1,4 myń ga aýmaqta 34 orman órti tirkeldi. Sondaı-aq orman alqaptaryna qaýip tóndiretin dalalyq jerlerde 366 órt boldy. Eki kináli anyqtalyp, olar 161 myń teńge keltirgen zalaldyń ornyn toltyrdy.
Órt qaýipsizdigi erejelerin buzǵany úshin 47 adam ákimshilik jaýapkershilikke tartyldy, olarǵa 834,4 myń teńge mólsherinde aıyppul salyndy.
Budan basqa orman kúzeti bıyl orman zańnamasyn buzýdyń 130 deregin anyqtady. Kináli adamdarǵa 2 mln teńgege jýyq ákimshilik aıyppul salyndy.
SQO-da uzaq merzimge kelisimge otyrǵan 18 orman paıdalanýshysy bar, olar aǵash daıyndaýmen jáne aǵash óńdeýmen aınalysty. Jyl saıyn tsehtarda shamamen 100-130 myń tekshe metr jergilikti aǵash óńdeledi.
2022 jyly 387 myń tekshe metr aǵash daıyndaldy. Onyń ishinde orman sharýashylyqtary 252 myń jáne orman paıdalanýshylar 135 myń tekshe metr daıyndady. Oblystyq bıýdjetke ormandy paıdalanǵany úshin 273 mln teńge tólem jasady.
Oblys aýmaǵynda turǵyndardyń demalysyn uıymdastyrý boıynsha qyzmet kórsetý úshin orman ýchaskelerin jalǵa alǵan 27 orman paıdalanýshy jumys isteıdi.
Foto: QR TJ mınıstrliginiń baspasóz qyzmeti