2022 jyly shetelden 7000 tarıhı qujat elge qaıtaryldy

ASTANA. QazAqparat - Qundy qujattarda elimizdiń tarıhy týraly tyń aqparattar bar. Qujattar Vengrııa, Germanııa, Italııa sekildi jáne t.b. Eýropalyq Odaq elderinen ákelingen, dep habarlaıdy QR Mádenıet jáne sport mınıstrliginiń baspasóz qyzmeti.

Byltyr ǵalymdarymyz 14 memleketke izdestirý-zertteý jumystarymen bardy. Olar jınaǵan qujattar qatarynda 445 fotosýret, 206 kitap jáne sırek qoljazbalar bar. Hronologııalyq turǵydan 918-1990 jyldar aralyǵyn qamtıdy.

Qaıtarylǵan qujattar QR Ulttyq arhıvine tapsyryldy. Qazir Mádenıet jáne sport mınıstrligi biryńǵaı derekter bazasyn qurý baǵytynda jumys júrgizip jatyr. Baǵaly tarıhı qujattardy taratý úshin fotoalbomdar, jınaqtar, hronograftar, ómirbaıandyq anyqtamalyqtar jáne basqa da paıdaly materıaldar baspadan shyǵaryla bastady.

«Arheologtar men tarıhshylarymyzdyń jumysy munymen bitpeıdi. 2025 jylǵa deıin qazaqstandyq ǵalymdar shetelge taǵy birneshe ekspedıtsııa josparlap otyr», - dep atap ótti Mádenıet jáne sport vıtse-mınıstri Nurǵısa Dáýeshov.