2022 jyly múgedek jáne asyraýshysynan aıyrylǵandarǵa 440 mlrd teńge járdemaqy tólendi
Bul týraly QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.
2022 jyldyń qańtar-jeltoqsan aılary aralyǵynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 341 mlrd-tan astam teńge, asyraýshysynan aıyrylý jaǵdaıy boıynsha – 99,9 mlrd teńge jumsaldy.
2023 jylǵy 1 qańtardaǵy jaǵdaı boıynsha múgedektigi boıynsha memlekettik áleýmettik járdemaqy alýshylardyń sany shamamen 538,6 myń adam, al asyraýshysynan aıyrylý jaǵdaıy boıynsha – shamamen 189,9 myń adam boldy.
Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilengen eń tómengi kúnkóris deńgeıiniń shamasyna baılanysty bolady.
Asyraýshysynan aıyrylý jaǵdaıy boıynsha memlekettik áleýmettik járdemaqynyń mólsheri qaıtys bolǵan (qaza tapqan) asyraýshynyń asyraýyndaǵy adamdardyń sanyna, qaıtys bolý sebepterine jáne eń tómengi kúnkóris deńgeıine baılanysty bolady.
2023 jylǵy 1 qańtardan bastap múgedektigi boıynsha jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri eń tómengi kúnkóris deńgeıiniń ulǵaıýyna baılanysty 8,5%-ǵa óskenin esterińizge sala keteıik.
Máselen, 2023 jylǵy 1 qańtardan bastap jalpy aýrýdan múgedektigi boıynsha memlekettik áleýmettik járdemaqy mólsheri 1-top úshin – 77 889 teńgeni, 2-top úshin – 62 068 teńgeni, 3-top úshin – 42 190 teńgeni quraıdy.
