2022 jyly memorgandardyń aqparattyq bazasy biryńǵaı júıege yqpaldastyrylady

NUR-SULTAN. QazAqparat – 2022 jyly memlekettik organdardyń barlyq aqparattyq bazasy biryńǵaı júıege yqpaldastyrylady. Bul týraly Májilistegi «Nur Otan» partııasy parlamenttik fraktsııasynyń keńeıtilgen otyrysynda Úkimet basshysy Asqar Mamın aıtty, dep habarlaıdy QazAqparat tilshisi.

«2022 jyly memlekettik organdardyń barlyq aqparattyq bazasy árbir azamattyń tsıfrlyq profılin qura otyryp, biryńǵaı júıege yqpaldastyrylatyn bolady», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.

Premer-Mınıstrdiń aıtýynsha, qoǵam tarapynan memlekettik organdardyń qyzmetine turaqty baqylaý bolyp, ashyqtyq qamtamasyz etiledi.

«Bıyl Qazaqstan Prezıdentiniń tıisti Jarlyǵyna qol qoıylatyn bolady», - dedi Asqar Mamın.