2022 jyly Mańǵystaýda ómirge kelgen sábılerge qandaı esimder jıi qoıylǵan?

AQTAÝ. QazAqparat - Byltyr Mańǵystaý óńirinde dúnıege kelgen nárestelerge eń jıi qoıylǵan esimder belgili boldy, dep habarlaıdy QazAqparat tilshisi.

Mańǵystaý - demografııalyq kórsetkish boıynsha kósh basynda turǵan oblystyń biri. Bıyldyń ózinde oblysta 20 myńǵa jýyq bala dúnıege kelgen.

2022 jyly qańtar-jeltoqsan aralyǵynda dúnıege kelgen uldar arasynda «Álıhan» esimin - 244, «Omar» esimin - 166, «Nurıslam» esimin - 164, al «Hamza» esimin 148 náreste enshilegen. Budan bólek, uldarǵa qoıylǵan esimder qatarynda Aldııar, Ibrahım, Mýslım, Aısultan, Ramazan, Alınur, Erasyl, Arsen, Damır jıi kezdesken.

Al ómirge kelgen qyz balalarǵa esim tańdaýda ata-analar «Medına» atyna aıryqsha yqylas tanytqan. Sebebi byltyr «Medına» esimin - 371, «Aılın» esimin - 283, «Aısha» esimin - 275, «Raıana» esimin 224 jańa týǵan qyz balaǵa qoıǵan. Qyzdar arasyndaǵy eń tanymal esimder sanatyna Tomırıs, Aızere, Safııa, Aıym, Asylym, Aıarý, Aıala, Aıana, Ámına, Káýsar jatady.