2022 jyly Qaznette tanymal bolǵan konspırologııalyq teorııalar
1. «Tiri sýveren-adamdar»
Bul qastandyq teorııasyna sáıkes, jer betindegi barlyq adamdar zańdy túrde qolynan is kelmeıtin nemese ólgen bolyp sanalady. Muny ózgertý úshin ózińizdi tiri adam dep jarııalaýyńyz kerek. Osydan keıin ár adam týǵanda ashylatyn jeke banktik shotta saqtalǵan altyndy alasyz. Bıyl bul teorııany jaqtaýshylar adamdardy ózderin tiri dep jarııalaýǵa shaqyryp, eger olaı jasamasa, adamdy zańdy túrde satýǵa nemese satyp alýǵa bolady dep málimdedi.
2. Medıtsınalyq dıktatýra
2022 jyldyń ortasynan bastap qazaqstandyqtar Dúnıejúzilik densaýlyq saqtaý uıymy álemde bılikti basyp alýǵa nıetti degen qaýeset taratty. Uıym basshylyǵy belgili bir kelisim jasasyp, oǵan qol qoıǵan elder egemendiginen aıyrylyp, Konstıtýtsııalary qoldanystan shyǵarylady eken. Munyń bári jalǵan ekenin joǵaryda atalǵan saıt birneshe ret jazdy.
3. Biryńǵaı álemdik valıýtaǵa kóshý
Keıbir qazaqstandyqtar álemde qolma-qol aqshany paıdalanýǵa tyıym salynady, memlekettik valıýtalar joıylady, al taýarlardy tek biryńǵaı álemdik valıýtanyń kómegimen ǵana satýǵa jáne satyp alýǵa bolady dep jazdy. Paıdalanýshylar teorııasyna sáıkes, ony belgisiz «globalıster» baqylap, kim jáne ne alatynyn baqylap otyrady. Biz qolma-qol aqshaǵa tyıym salý týraly másele álem elderinde talqylanyp jatpaǵanyn jáne biryńǵaı álemdik valıýta qurýǵa alǵysharttar joq ekenin túsindirgen bolatynbyz.
4.«Joq» radıatsııa
2022 jyly Qaznette jańa qastandyq teorııasy paıda boldy. Oǵan sáıkes, radıatsııa men ıadrolyq qarý is júzinde joq, al jarylystar – bul optıkalyq ıllıýzııa. Paıdalanýshylar 2022 jyldyń 1 qarashasynda ıadrolyq jarylys sahnalanady dep boljaǵan bolatyn. Olaı bolmaǵany anyq.
5. Ózgeǵalamsharlyqtar
2022 jyly da qazaqstandyq qastandyq teorııasyn jaqtaýshylar jermen baılanysta bolatyn ózgeǵalamsharlyqtardyń baryna sendi. Olar Jelide ózgeǵalamsharlyqtar ártúrli elderdiń áskeri úshin áskerı tehnologııalar ázirlep jatyr dep jazdy. Japon mamandarynda jerden tys órkenıettiń baryna dálel bar, al 2024 jyly «globalıster» adamdardy qorqytyp, olardy moıynsunýǵa májbúrleý úshin ózgeǵalamsharlyqtardyń jappaı shabýylyn jasaıdy eken.
2021 jyly Qaznette keńinen jarııalanǵan Q-Anon jáne «Kógildir sáýle» týraly qastandyq teorııalary 2022 jyly qazaqstandyqtar arasynda áldeqaıda az taratyldy.
