2022 jyly qatty turmystyq qaldyqtardyń 26%-y ǵana qaıta óńdelgen

ASTANA. QazAqparat – 2022 jyly elimiz boıynsha qatty turmystyq qaldyqtardyń tek 26%-y qaıta óńdelgen jáne kádege jaratylǵan. Mundaı derekter Indýstrııa jáne ınfraqurylymdyq damý mınıstrligi ashyq talqyǵa shyǵarǵan «2023-2029 jyldarǵa arnalǵan turǵyn úı-kommýnaldyq ınfraqurylymyn damytý tujyrymdamasynda» keltirilgen, dep habarlaıdy QazAqparat tilshisi.

«Qazaqstandaǵy qatty turmystyq qaldyqtardyń (QTQ) negizgi bóligi, ıaǵnı 97%-dan astamy ashyq úıindilerge shyǵarylady. Byltyr qaıta óńdelgen jáne kádege jaratylǵan QTQ úlesi 26% boldy. 2021 jyly 21,1%-y kádege jaratylǵan», - dep jazylǵan qujatta.

Ótken jyly ǵaryshtyq monıtorıng nátıjesinde qoqystardy ruqsat etilmegen jerlerge tógýdiń 5 683 deregi anyqtalǵan. Onyń tek 4 325-i ǵana joıyldy.

«Anyqtalǵan eń úlken qoqys úıindileriniń kóbi Aqmola – 830 (91%-y joıyldy), Qaraǵandy – 745 (98%-y joıyldy), Túrkistan oblystarynda – 428 (88%-y joıyldy) baıqalady. Abaı jáne Ulytaý oblystarynda qoqys úıindilerin joıý boıynsha jumys nashar júrgizilip jatyr», - dep másele kóterilgen tujyrymdamada.

Qujat 15 naýryzǵa deıin kópshilik talqylaýda bolady.