2022 jyly qansha salymshy óziniń zeınetaqy jınaǵyn paıdalana alady
«1 qarashadaǵy jaǵdaı boıynsha 2022 jyly paıdalanýǵa qoljetimdi qajetti somasy bar zeınetaqy jınaqtary bar salymshylardyń jalpy sany 580 myńnan asady. Alýǵa bolatyn jınaqtardyń jalpy somasy shamamen 901 mlrd teńgeni quraıdy», - dedi «BJZQ» AQ Basqarma tóraǵasy Janat Qurmanov.
Aıta keteıik, burynǵy shekter boıynsha ózińizdiń zeınetaqy jınaqtaryńyzdy 31 jeltoqsanǵa deıin áli de alýǵa bolady.
Zeınetaqy qory Basqarma tóraǵasynyń aıtýynsha, halyqtyń zeınetaqy jınaqtary birinshi kezekte zeınetaqyǵa arnalǵanyn, al turǵyn úı jaǵdaıyn jaqsartýǵa tıisti basqa da kózder qajet ekenin túsinýi tıis.
«Adamdardyń qarjyny jınaqtaýy úshin jaǵdaı jasaý qajet. Alaıda, zeınetaqy jınaqtary turǵyn úı máselesin tolyq sheshýge múmkindik bermeıtinin barlyǵy túsinedi. Bul rette turǵyn úı jaǵdaıyn jaqsartýǵa basqa da baǵdarlamalar ázirlenetin bolady», - dedi ol.
Esterińizge salsaq, Qazaqstanda 2022 jyldyń 1 qańtarynan bastap zeınetaqy jınaqtaryn merziminen buryn alý úshin jetkiliktilik shegi shamaen eki esege ósedi. Sonymen qatar Eńbek mınıstrligi Biryńǵaı zeınetaqy tólemin alýdyń shekti mólsheri nege óskennin túsindirdi.