2022 jyly fýtboldan Álem chempıonatyn qandaı telearnalar kórsetedi
ASTANA. QazAqparat - 2022 jyly Katarda fýtboldan ótetin Álem chempıonatyn Qazaqstanda translıatsııalaý quqyǵyna «Qazaqstan» jáne «Qazsport» telearnalary ıe boldy, dep habarlaıdy QazAqparat tilshisi.
«Eń basty jańalyqty da habarlap ótkim keledi. Buǵan deıin de ol týraly aıtqan edik. Alaıda búgin resmı túrde rastaǵym kelip otyr: «Qazaqstan» teleradıokorporatsııasy kelisimge kele otyryp, 2022 jyly Katarda ótetin Álem chempıonatyn translıatsııalaý quqyǵyna ıe boldy. Sondyqtan, «Qazaqstan» teleradıokorporatsııasy aldaǵy ýaqytta da eń mańyzdy oqıǵalardy taratyp, qazaqstandyqtardy, kórermenderimizdi qýanta beretin bolady. Qazirdiń ózinde atalǵan oqıǵany qalaı taratatynymyzdy aqyldasýdy bastap kettik», - deıdi OKQ-da ótken baspasóz máslıhatynda «Qazaqstan» teleradıokorporatsııasynyń Basqarma tóraǵasy Erlan Qarın.
Aıta ketsek, buǵan deıin baspasóz máslıhatynda «Qazsport» telearnasynyń dırektory Pavel Tsybýlın qazaqstandyqtar Reseıde ótken Álem chempıonatynda eń kóp qaraǵan matchty ataǵan bolatyn.
Eske sala ketsek, fýtboldan Álem chempıonatynyń fınalynda Frantsııa men Horvatııa quramalary kezdesip, Frantsııa jeńiske jetken edi.
