2022 jyly elordada eski úılerdegi turǵyndardyń máselesi sheshiledi
NUR-SULTAN. QazAqparat – Elorda ákimi Altaı Kólginov 2022 jyly qaladaǵy eski úılerdegi turǵyndardyń máselesi sheshiletinin aıtty, dep habarlaıdy QazAqparat tilshisi.
«Saryarqa jáne Almaty aýdandarynda barak úlgisindegi eskiler úıler barshylyq. Sonymen qatar eski jataqhanalar men tozyǵy jetken bes qabatty úıler kóp kezdesedi. Bıyl 257 otbasyny kóshiremiz», - dedi A. Kólginov elorda máslıhatynyń kezekten tys sessııasynda.
Onyń aıtýynsha, úleskerler máselesi tolyq sheshilgennen keıin, negizgi ekpin apatty eski úılerge qoıylady.
«2022-2023 jyldar úleskerler problemasyn sheshemiz. Al 2022 jyldan bastap eski úılerdi buzýǵa erekshe mán beremiz. Osy oraıda apatty úılerdegi turǵyndardy jańa baspanaǵa kóshiremiz», - dedi qala ákimi.
Budan buryn habarlanǵandaı, Altaı Kólginov úleskerler máselesi qalaı sheshilip jatqanyn aıtty.
