2022 jyly elorda áýejaıynyń ushý-qoný jolaǵy jańartylady
NUR-SULTAN. QazAqparat - 2022 jyly N.Nazarbaev halyqaralyq áýejaıynyń ushý-qoný jolaǵy jańartylady. Bul jaıynda «N.Nazarbaev halyqaralyq áýejaıy» AQ-nyń atqarýshy dırektory Dáýlet Hamzın aıtty, dep habarlaıdy QazAqparat tilshisi.
«Shynymen de kelesi jyly ushý-qoný jolaǵyn jańartýdy josparlap otyrmyz. Qazirgi ýaqytta jobalyq-smetalyq qujattamasyn ázirleýge kelisimshart jasaımyz. Jóndeý jumystarynyń formaty, sonymen qatar jóndeý jumystarynyń merzimi jáne qajet bolatyn qarjy somasy jobalyq-smetalyq qujattamany ázirleý protsesinde naqtylady», - dedi áýejaıdyń atqarýshy dırektory.
Sonymen qatar ol ekinshi ushý-qoný jolaǵyn salý máselesi de áýejaıdyń aldyn ala uzaq merzimge kózdelip otyrǵan jospary ekendigin aıtty.
«Jáne de osynaý uzaqmerzimdi jospardy júzege asyrý naryqty jaǵdaıǵa, ıaǵnı, pandemııadan keıin naryqtyń qanshalyqty jyldam nemese baıaý qalpyna kelýine, áýejaıdy damytý jónindegi bas josparymyzda kózdelip, bekitiletin jobalarymyzdyń júzege asyrylýyna baılanysty bolady», - dedi Dáýlet Hamzın.
