2022 jyly aýyldyq okrýgterdiń bıýdjetine salyqtyń qaı túrleri beriledi

NUR-SULTAN. QazAqparat – QR Prezıdent Ákimshiligi Basshysynyń orynbasary Málik Myrzalın 2022 jyly aýyldyq okrýgterdiń bıýdjetine salyqtyń qaı túrleri beriletin aıtty, dep habarlaıdy QazAqparat tilshisi.

«Bıýdjetke kelsek, qazir bıýdjettiń tórtinshi deńgeıi, ıaǵnı aýyldyq okrýg bıýdjetiniń kirisi salyqtyń bes túrinen jınalady. 2022 jyldan bastap salyqtar men tólemderdiń taǵy tórt túri aýyldyq okrýgterge beriledi. Bul negizinen jer salyǵy, jer ýchaskesin paıdalanǵany úshin tólem, jer ýchaskelerin satýdan túsetin túsimder jáne t.b. máselelerge qatysty», – dedi Málik Myrzalın «Habar 24» telearnasyna bergen suhbatynda.

Qarjy mınıstrligi esebi boıynsha, osynyń arqasynda aýyldyq okrýgterdiń bıýdjeti qosymsha 16 mlrd teńgemen tolyǵady.

«Budan ári aýyl bıýdjetine taǵy da birneshe salyq tólemderin berý josparlanýda – sý resýrstaryn paıdalanǵany úshin tólem jáne t.b. Munyń bári aldaǵy jyldary tórtinshi deńgeıli bıýdjettiń óz-ózin qamtamasyz etý deńgeıin úsh ese arttyrýǵa múmkindik beredi», - dep túıindedi Málik Myrzalın.

Suhbat kezinde ol ákim saılaýyna saıası partııalardyń qanshalyqty belsedi qatysqany týraly pikir bildirdi.

Aıtýynsha, saılanǵan 864 ákimniń 77,7%-y nemese 671 adam – Nur Otan-nyń ókili. «Aýyl» partııasynan 3,8% ıaǵnı 33 adam ákim atansa, «Adal» partııasynan 1,7%, ıaǵnı 15 ákim, «Aqjol» partııasynan 1,4% nemese 12 adam, Qazaqstan halyq partııasynan 1,3% nemese 11 adam jáne JSDP-dan 0,1%, ıaǵnı 1 adam saılanǵan.