2022 jyly aýyl turǵyndaryna medıtsınalyq qyzmettiń jaqsarýy úshin qandaı jumystar atqaryldy
Máselen, osy jyly halyqqa medıtsınalyq alǵashqy kómek kórsetý pozıtsııasyn kúsheıtý bóliginde bıylǵy jyly 87 medıtsınalyq-sanıtarlyq alǵashqy kómek kórsetý (MSAK) obektisin salý jáne ashý jumystary aıaqtaldy, olardyń basym bóligi aýyldyq jerlerde ornalasqan.
2022 jyly Qazaqstanda Almaty oblysynyń Eńbekshiqazaq aýdanynda DDU Eýropalyq aımaǵyna múshe 53 memleket úshin halyqqa medıtsınalyq alǵashqy kómek kórsetýdiń ozyq tájirıbelerin kórsetý boıynsha álemdegi alǵashqy MSAK kórsetý alańy ashyldy.
Sondaı-aq, Bıyl alǵash ret aýyl turǵyndaryna asqazan-ishek joldarynyń, nesep shyǵarý júıesiniń, egde jas tobyndaǵy tynys alý aǵzalarynyń aýrýlaryn jáne qýyqasty bezi obyryn erte anyqtaý úshin profılaktıkalyq qarap-tekserýler bastaldy.
Aýyl turǵyndarynyń arasynda týǵannan bastap 18 jasqa deıin «Balalar», 18 jastan bastap 29 jasqa deıin «Jastar», 30 jastan bastap 44 jasqa deıin «Eńbek-1», 45 jastan bastap 65 jasqa deıin «Eńbek-2» jáne 66 jastan asqan «Zeınetker» sııaqty sanattar boıynsha nysanaly toptar anyqtaldy.
Odan bólek, Aýyl turǵyndary úshin dári-dármekterdiń qoljetimdiligin sheshý úshin aýylda 72 dárihana pýnkti men 161 jeke dárihana ashyldy.
Aýyl turǵyndaryn dári-dármekpen qamtamasyz etý úshin medıtsınalyq uıymdar bazasynda 75 dárihana pýnkti, 165 jeke dárihana ashyldy.
77 myńnan astam turǵynǵa medıtsınalyq kómek kórsetken 2 «Járdem» jáne «Salamatty Qazaqstan» medıtsınalyq poıyzdarynyń jumysy qaıta jandandy.
El halqyna, onyń ishinde aýyl turǵyndaryna MSAK qoljetimdiligin arttyrý úshin aǵymdaǵy jyly densaýlyq saqtaý uıymdary jelisiniń memlekettik normatıvi qaıta qaraldy.
Sondaı-aq, aýdandyq aýrýhanalardy zamanaýı kompıýterlik tomograftarmen, rentgen apparattarymen qamtamasyz etý júrgizilýde - jaraqtandyrý 84%-ǵa deıin jetkizildi.
