2022 jyly Astanada jaıaý júrginshilerdiń kinásinen 135 jol apaty bolǵan

ASTANA. QazAqparat – Elordalyq polıtsııa departamenti patrýldik polıtsııa polki shtabynyń bastyǵy Áýeshan Tájiǵulov byltyrǵy jol-kólik oqıǵasy statıstıkasyn baıandady, dep habarlaıdy QazAqparat tilshisi.

«Ótken jyldyń 12 aıynda elordada 683 jol-kólik oqıǵasy tirkelip, 28 adam qaza tapty, 2021 jyly – 557 jol apaty bolyp, 35 adam qaza tapqan, bir jylda ólim-jitim 20% tómendedi. 2022 jyly jol apatynan 750 adam jaraqat alsa, 2021 jyly – 595 adam, munda 26% ósim bar. Jol apatynan zardap shekkenderge taldaý jasaldy, osylaısha júrgizýshilerdiń kinásinen – 548 JKO bolǵan (+31%), onda 20 adam qaza taýyp, 620 adam zardap shekti. 2021 jyly – 470 JKO bolǵan edi», - dedi Áýeshan Tájiǵulov Esil aýdanynyń polıtsııa departamentinde ótken brıfıngte.

Sondaı-aq, jaıaý júrginshilerdiń kinásinen 135 jol-kólik oqıǵasy bolǵan, onda 8 adam qaza taýyp, 130 adam túrli dárejede dene jaraqatyn aldy. 2021 jyly 13 adam mert bolyp, 125 adam jaraqat alǵan.

Aıta keteıik, jyl basynan beri elordada 6 myńǵa jýyq jol erejesin buzý jaǵdaıy anyqtaldy, 80 júrgizýshi mas kúıinde ustaldy. Mas kúıinde birneshe ret ustalǵan kólik júrgizýshilerine qylmystyq is qozǵalady.