2022 jyly áleýmettik-eńbek salasyndaǵy qyzmetterdiń 93 paıyzy elektrondy bolady
«Áleýmettik-eńbek salasynda 44 qyzmet túrin kórsetý kózdelgen. Onyń 38-i elektrondy túrde kórsetiledi. Al onyń ishinde 18-i proaktıvti, ıaǵnı, azamattyń qatysýynsyz avtomatty túrde taǵaıyndalatyn tólem ne qyzmet sanalady. Osy jyly barlyǵy 9,5 mln qyzmet kórsetildi. Jyldyń sońyna deıin memlekettik qyzmetterdiń 90 paıyzy elektrondy formatqa kóshiriledi jáne 2022 jyly 93 paıyzǵa jetkizý josparlanyp otyr». - dedi ol.
Birjan Nurymbetov Memleket basshysy zeınetaqy men járdemaqylardy taǵaıyndaý protsesterin tolyq tsıfrlandyrý týraly tapsyrma bergenin atap ótti.
«Bul jumystyń negizgi baǵyty - múmkindiginshe barlyq qyzmetterdi proaktıvti formatqa kóshirý. ıAǵnı, qyzmet kórsetý bastamashysy azamat emes memleket bolady. Barlyq qajetti málimetter aqparattyq júıelerdiń ózara is-qımyly jolymen qalyptasady. Azamat tek qyzmetterdi alýǵa kelisimin berý ǵana qajet bolady. Proaktıvti qyzmet túri qyzmetti berýshi men alýshynyń baılanysyn boldyrmaıdy. Qyzmet kórsetý ýaqytyn barynsha qysqartady jáne qaǵaz qujattar jınaý qajettiligin joıady», - dedi mınıstr.
Mysaly, onyń atap ótýinshe, buǵan deıin kópbalaly otbasyna járdemaqy taǵaıyndaý úshin ótinish berýshi qaǵaz túrindegi qujattarmen memlekettik korporatsııaǵa júginetin. Ol úshin aldyn ala sol qujattardy jınaý maqsatynda birneshe uıymǵa baryp ýaqytyn ketiretin.
«Al búgin osy protsesti avtomattandyrýdyń nátıjesinde bizdiń mınıstrliktiń júıesine basqa aqparattyq júıelerden qajetti jeke tulǵa jáne balalardyń dúnıege kelýi, sany týraly málimetter proaktıvti túrde túsip turady. Sol málimetterdiń negizinde avtomatty túrde járdemaqy taǵaıyndap, kópbalaly otbasyǵa ol týraly sms habarlama ǵana jiberemiz», - dedi ol.
