2022 jyly álemdegi eń dáýletti 500 adam 1,4 trln dollar joǵaltty
ASTANA. QazAqparat – 2022 jyl álemniń eń dáýletti 500 adamy úshin qolaısyz jyl boldy. Olar 1,4 trıllıon dollar qarajatynan aıyryldy, dep habarlaıdy QazAqparat Bloomberg-ke silteme jasap.
Keń taralǵan ınflıatsııa jáne ortalyq bank saıasatynyń agressıvti qatańdatylýy saldarynan bıylǵy jyl pandemııa kezinde jeńil aqshaǵa kenelgen birqatar mıllıarder toby úshin qolaısyz boldy. Bıyl Ilon Mask, Djeff Bezos, Chanpen Chjao jáne Mark Tsýkerberg ózderiniń jıyntyq baılyǵynan shamamen 392 mıllıard dollar joǵaltty, delingen Bloomberg júrgizgen zertteýde. Degenmen, osy jyl dáýletti ózge tulǵalar úshin jaman bolǵan joq: úndistandyq Gaýtam Adanı ál-aýqat ındeksi boıynsha Bıll Geıts pen Ýorren Baffetten asyp tústi. Kohı men Mars klany sııaqty álemdegi eń baı otbasylar da óz baılyǵyn arttyrdy.
Bloomberg basylymy kapıtalynan aıyrylǵan dáýlettilerdiń oqıǵalaryn keltirdi. Sol kezde álemdegi eń baı adam bolǵan Ilon Mask Tesla-ny jetkizýmen qıyndyq týyp jatqanyn eskertkennen keıin 27 qańtarda 25,8 mıllıard dollarynan aıyrylǵan.
Shildede qytaılyq ıAn Hýeııanniń dáýleti Qytaıdaǵy múlik daǵdarysy aıasynda jeti aıda eki ese azaıyp, Azııanyń eń baı áıeli tıtýlynan aıyryldy. ıAn 2005 jyly ákesinen muragerlikke alǵan Country Garden Holdings qurylys kompanııasy sońǵy jyldary turǵyn úı qurylysynyń aıtarlyqtaı artýynan qomaqty tabys tapqan. Biraq Beıjińniń turǵyn úı baǵasyn ósirmeý saıasaty men QHR tóraǵasy Sı Tszınpınniń qatań sharasy jobalardy kesheýildetip, ıpotekaǵa alǵan úı ıeleri toqtap turǵan qurylys úshin aqsha tóleýden bas tartqan. Saldarynan ıAn Hýeııan dáýleti 2022 jyly eki ese azaıdy.
Qyrkúıektiń ortasynda Mark Tsýkerbergtiń jeke kapıtaly 71 mıllıard dollarǵa quldyrap, Meta Platforms aktsııalarynyń baǵasynyń tómendeýine ákelip soqtyrǵan metaǵalam men salanyń quldyraýyna baılanysty kapıtalynyń 57% joǵaltty. Bir jyl ishinde Tsýkerberg Bloomberg dáýlet ındeksinde 19 pozıtsııa joǵaltyp, 2022 jyldy 25-shi orynda aıaqtady.
«Kovıd-mıllıarderlerdiń» dáýleti de azaıa tústi. Olar 2020-2021 jyldary vaktsınadan (Stefan Bansel, Modern vaktsınasy), paıdalanylǵan avtokólikterden (Carvana ıeleri Ernı Garsııa II men Ernı Garsııa III), ınternet-dúkenderden (Coupang ıesi Bom Kım) jáne Zoom-nan (Erık ıÝan) paıda tapqan. 58 mıllıarderdiń dáýleti «pandemııa salalaryna» baılanysty birden kóterilgen, endi olardyń aktıviniń baǵasy qazanda 58 % tómendedi.
Bankman-Frıdtiń FTH krıptovalıýta bırjasy qarasha aıynda onyń ımperııasynyń balansynyń turaqsyzdyǵy jáne táýekelderge baqylaýdyń joqtyǵy anyqtalǵannan keıin quldyrady. 30 jastaǵy kásipkerdiń 16 mıllıard dollarlyq baılyǵy bir aptadan joıyldy. Onyń dáýleti buǵan deıin 26 mıllıard dollar dep baǵalandy.
73 jastaǵy Bernard Arno, Frantsııa sán salasynyń magnaty, LVMH korporatsııasynyń ıesi Ilon Maskty álemdegi eń baı adamdar tiziminen yǵystyrdy.
