2022 jyly agroónerkásiptik keshendi saqtandyrý aıasynda 144 shart bekitildi
«Aýyl sharýashylyǵy taýaryn óndirýshilerdi egin men mal shyǵynynan qorǵaý úshin agroónerkásiptik keshendi erikti saqtandyrý júıesi jumys isteıdi, onyń operatory retinde «Agrarlyq nesıe korporatsııasy» AQ bekitilgen. Osy júıe aıasynda saqtandyrý aqylarynyń 50% sýbsıdııalaý júzege asyrylady», - delingen Aýyl sharýashylyǵy mınıstrliginiń QazAqparatqa bergen málimetinde.
2020 jyldyń basynan bastap bıylǵy 13 mamyrdaǵy jaǵdaı boıynsha jalpy 399 shart jasaldy. Saqtandyrý syılyqaqysy 1 696,3 mln teńgeni qurap, olar boıynsha jalpy somasy 848,2 mln teńgege sýbsıdııa tólendi.
Onyń ishinde ósimdik sharýashylyǵy salasynda 568,1 myń gektardan astam aýmaqty qamtyǵan 335 shart tirkeldi. Osy sharttar boıynsha 748,9 mln teńge somasyna saqtandyrý aqysyn sýbsıdııalaý júrgizildi. Sonyń arasynda topyraq ylǵaldylyǵynyń tapshylyǵy ındeksin saqtandyrý ónimi boıynsha 521,3 myń gektardy qamtyǵan 310 shart bekitilip, 706,2 mln teńge somasyna sýbsıdııalar tólendi.
Al mal sharýashylyǵy salasynda 64 shart tirekldi. Osy sharttar boıynsha 99,3 mln teńge somasyna saqtandyrý aqysyn sýbsıdııalaý júrgizildi.
«2022 jyly 13 mamyrdaǵy jaǵdaı boıynsha 144 shart bekitildi. Saqtandyrý syılyqaqysy 996,3 mln teńgeni qurady. Olar boıynsha jalpy somasy 498,2 mln teńgege sýbsıdııalar tólendi», - dep atalyp ótken mınıstrlik aqparatynda.
Onyń ishinde:
- 302,5 myń gektardy qamtýmen ósimdik sharýashylyǵy salasyndaǵy 131 shart (topyraq ylǵaldylyǵynyń tapshylyǵy ındeksin saqtandyrý ónimi boıynsha) bar. Osy sharttar boıynsha 464,7 mln teńge somaǵa saqtandyrý aqysyn sýbsıdııalaý júrgizildi;
- Mal sharýashylyǵy salasynda 60,3 myń basty qamtıtyn 13 shart qamtyldy. Bul sharttarǵa qatysty 33,5 mln teńge somasyna saqtandyrý aqysyn sýbsıdııalaý júrgizildi.