2022 jylǵy qysqy Olımpıadanyń bıýdjeti 500 mln. AQSh dollaryna qysqartyldy
ALMATY. QazAqparat - «Almaty-2022» ótinim berý komıteti 2022 jylǵy qysqy Olımpıada oıyndaryn ótkizý tujyrymdamasynyń tıimdiligin arttyrý maqsatynda onyń keıbir taraýlaryn ońtaılandyrdy. Osylaısha, qysqy Olımpıada bıýdjetin 500 mln. AQSh dollaryna qysqartýǵa qol jetkizildi, dep habarlaıdy «Almaty qalasynyń Halyqaralyq sport jobalary dırektsııasy» memlekettik qorynyń baspasóz qyzmetinen.
«Almaty-2022» Ótinim berý komıteti Halyqaralyq Olımpıada qozǵalysynyń «2020 - kún tártibi» qujatyna engizilgen ıkemdilik pen kreatıvtik ustanymdardy negizge ala otyryp, tıimdiligin arttyryp, shyǵyndardy ońtaılandyrý maqsatynda Olımpıadany ótkizý tujyrymdamasynyń keıbir pýnktterin jetildirdi»6 - delingen habarlamada.
Sonymen shyǵyndardy ońtaılandyrý myna maqsattardy kózdeıdi:
1. Taý-shańǵy sportynyń túrlerine qatysty jarystar «Almataý» sport keshenine aýystyrylatyn bolady. Bul, shyǵyndardy azaıtýǵa jáne osy sport nysanyn Olımpıadalyq mura retinde uzaq merzimdi keleshekte damytýǵa múmkindik beredi.
2. «Shymbulaq» taý-shańǵy shıpajaıy men «Taý Park Alpaın» taý-shańǵy saıabaǵy Olımpıadalyq sport alańdary tiziminen shyǵarylady.
3. Snoýbordıng pen shańǵy frıstaıly jáne solardyń qataryna kiretin taýshańǵy krossy men sloýpstaıl boıynsha jarystar «Aq bulaq» taý-shańǵy shıpajaıynyń sport alańdaryna aýystyrylady. Maqsat - osy sport túrlerin turaqty damytý jáne atalmysh keshendi uzaq merzimdi damytý.
4. Snoýbordıng jáne shańǵy frıstaıly boıynsha jarystardy «Taý Rark» Olımpıadalyq nysanynyń baǵdarlamasynan alyp tastaý. Maqsat - qysqy Olımpıada oıyndarynyń muralary tujyrymdamasyn ońtaılandyrý.
5. Seledj-hokkeı boıynsha Paralımpıadalyq jarystar Almaty olımpıadalyq stadıonynan Balýan Sholaq atyndaǵy sport saraıyna aýystyrylady.
6. «Medeý» Olımpıadalyq aýylynyń sıymdylyǵy 1000 orynnan 350 orynǵa deıin qysqartyldy.
7. «Kók-Jaılaý» taý-shańǵy shıpajaıynda BAQ ókilderine arnalǵan turǵyn úı nysandaryn turǵyzýdan bas tartyldy.
8. «Medeý» qosymsha medıa-ortalyǵyn qurý jobasynan bas tartyldy.
Osylaısha, keshendi sheshimder qabyldaý nátıjesinde «Almaty-2022» ótinim berý komıteti bıýdjetti 100 mln. AQSh dollarynan asa qarjyǵa qysqartýǵa qol jetkizdi. Al tikeleı Olımpıada oıyndaryn uıymdastyrýshy komıtettiń qyzmetine jatpaıtyn shyǵyndar 450 mln. AQSh dollaryna qysqardy.
«Ótinim berý komıtetiniń basty maqsaty - qolda bar sporttyq nysandardy barynsha tıimdi paıdalaný ǵoı. Qazir 13 olımpıadalyq nysannyń toǵyzy - jumys istep turǵan daıyn nysandar. Demek, shyǵyndardy azaıtýǵa jáne qorshaǵan ortaǵa keletin jaǵymsyz áserlerden arylýǵa múmkindik bar», - dedi óz sózinde «Almaty-2022» ótinim berý komıtetiniń vıtse-prezıdenti, 1994 jylǵy qysqy Olımpıada oıyndarynyń chempıony Vladımır Smırnov.
