2022 jylǵy qysqy olımpıadany ótkizýge 10 qala úmitti
ASTANA. 27 qarasha. QazAqparat - Halyqaralyq olımpıada komıteti 2022 jyly ótetin qysqy olımpıada oıyndaryna kandıdat qalalardyń tizimin jarııalady.
Aq olımpıadany ótkizýge barlyǵy on usynys kelip túsken, dep habarlaıdy "ALAMAN" ulttyq sport portaly.
Bir qyzyǵy, máńgi jaz bolatyn Chılı (Santıago qalasy) men Jańa Zelandııa (Kýenstoýn nemese Dýnedın) elderi de óz kandıdatýralaryn usynypty.
Polsha men Slovakııanyń Krakov jáne Zakapone qalalary olımpıadany birge ótkizsek deıdi.
Rýmynııa (Brasov nemese Prahovo), Shveıtsarııa (Davos nemese Sent Morıs) elderi ázirge qaı qalasyn usynatynyn sheshpegen. Bul elder naqty qalanyń kandıdatýrasyn 2013 jyldyń jazyna deıin anyqtaýy kerek.
Ispanııa Barselonanyń, Ýkraına Lvovtyń, Frantsııa Nıtstsanyń, Germanııa Mıýnhenniń, Norvegııa Oslonyń kandıdatýrasyn usynǵan.
Olımpıada ótkizetin qala 2015 jyly Kýala Lýmpýrde ótetin HOK sessııasynda belgili bolady.
Al Qazaqstan 2011 jyly Almaty qalasyn 2022 jylǵy qysqy olımpıadaǵa kandıdat retinde usynǵan edi. Biraq keıin Úkimet bul usynystan bas tartty. Sebebi, Almatyda 2017 jyly qysqy Ýnıversıada ótedi.
