2022 jylǵy qysqy Olımpıada oıyndarynyń alaýy Beıjińge jetti

BEIJІŃ. QazAqparat – 2022 jylǵy XXIV qysqy Olımpıada oıyndarynyń alaýy sársenbi kúni Afınydan QHR astanasyna jetti. Bul týraly 2022 jylǵy qysqy Olımpıada oıyndary uıymdastyrý komıtetinen málimdedi, dep habarlaıdy QazAqparat menshikti tilshisi.

Olımpıada oıyndary uıymdastyrý komıtetiniń delegatsııasy mingen ushaq sársenbi kúni tańerteń Qytaı astanasyndaǵy «Shoýdý» halyqaralyq áýejaıyna toqtady. Keıin «Qus uıasy» ulttyq stadıonynyń janynda ornalasqan Olımpıada munarasynda alaýdy qarsy alý sharasy ótti.

Olımpıada alaýy aldymen Beıjińdegi Olımpıada munarasyna qoıylady, keıin Qytaıdy aralap shyǵý úshin týrnege attanady. Alaıda, fakeldik estafeta aýqymy koronavırýsqa baılanysty qysqarady.

2022 jyldyń 2-4 aqpany aralyǵynda qysqy Olımpıada oıyndarynyń úsh saıys aýmaǵynda – Beıjińde, ıAntsınde jáne Chjantszıakoýde 1200 alaýgerdiń qatysýymen estafetanyń aqtyq kezeńi ótedi.

Eske salaıyq, XXIV qysqy Olımpıada oıyndary Beıjińde 2022 jyldyń 4-20 aqpany aralyǵynda, al Paralımpıada oıyndary – 4-13 naýryzda ótedi.

Avtory: Rýslan Súleımenov