2022 jylǵy qysqy Olımpıada oıyndaryn ótkizýge úmitker qalalardy anyqtaý 2015 jyly bastalady

Bul týraly ITAR-TASS agenttigine Halyqaralyq Olımpıada komıteti baǵalaý komıssııasynyń basshysy (HOK), Reseıdiń Olımpıada komıtetiniń prezıdenti Aleksandr Jýkov málimdedi.

Komıssııa 2022 jylǵy qysqy Olımpıada oıyndaryn ótkizýge ótinim bergen qalalardy baǵalaıdy. Aldaǵy 7 shilde kúni Shveıtsarııanyń Lozanna qalasynda Halyqaralyq Olımpıada komıteti atqarýshy komıtetiniń otyrysy ótedi. Onda qysqy Olımpıada oıyndaryn ótkizýge úmitker qalalardyń attary resmı túrde jarııalanady.

Esterińizge sala keteıik, ázirge ótinim bergen memleketterdiń qatarynda Qazaqstan (Almaty), Norvegııa (Oslo) jáne Qytaı (Beıjiń jáne Chjantszıakoý) elderi bar.

«HOK-tyń atqarýshy komıteti úmitker qalalardy resmı túrde jarııalaǵan soń, biz iske kirisemiz, - dedi óz sózinde A. Jýkov. - Qalalar tańdalamaı jatyp, men bul jumysty bastaı almaımyn. Úmitkerler anyqtalǵan soń, biz arnaıy komıssııa quramyz. Sosyn, 2015 jyldyń basynan bastap, baǵalaý saparyna shyǵady».

Al 2022 jylǵy qysqy Olımpıadanyń astanasy 2015 jyly shilde-tamyz aılarynda Halyqaralyq Olımpıada komıtetiniń Malaızııa astanasy Kýala-Lýmpýrde ótetin kezekti sessııasynda jarııalanady.